පසුගිය වසරට සාපේක්ෂව 2026 වසරේ මේ දක්වා ගතවූ මාස කිහිපය තුළ මෙරට රිය අනතුරුවල යම් වැඩිවීමක් වාර්තා වන බව රථ වාහන පාලන හා මාර්ග ආරක්ෂාව පිළිබඳ නියෝජ්ය පොලිස්පති ඩබ්ලිව්. පී. ජේ. සේනාධීර මහතා පවසයි. විශේෂයෙන්ම යතුරුපැදිකරුවන් සහ ඔවුන්ගේ පසුපස ගමන් කරන පුද්ගලයන් වැඩි වශයෙන් අනතුරුවලට ලක්ව ඇති බව හඳුනාගෙන තිබේ. පසුගිය වසරේ දත්ත විශ්ලේෂණය කිරීමේදී සමස්ත මරණවලින් 31%ක්ම මාර්ගයේ ගමන් කළ පදිකයන් බවත්, මෙම වසරේදී ද එම අගයයන්හි යම් වර්ධනයක් දක්නට ලැබෙන බවත් ඒ මහතා වැඩිදුරටත් සඳහන් කළේය.
මාර්ගයේ ගමන් කරන ජනතාව මූලික මාර්ග ආචාරධර්ම අනුගමනය කරන්නේ නම් මෙම අනතුරු බොහොමයක් වළක්වා ගත හැකි බව නියෝජ්ය පොලිස්පතිවරයා පෙන්වා දෙයි. විශේෂයෙන්ම පාරේ දකුණු පසින් ගමන් කිරීම, ජංගම දුරකථන භාවිත කරමින් මාර්ගයේ ඇවිදීමෙන් වැළකී සිටීම සහ පාර මාරුවීමේදී දැඩි විමසිල්ලෙන් පසුවීම අත්යවශ්ය කරුණු ලෙස ඔහු අවධාරණය කරයි. එමෙන්ම රියදුරන් ඉලක්ක කර ගනිමින් බීමත්කම සහ මත්ද්රව්ය භාවිත කර රිය පැදවීම පරීක්ෂා කිරීමේ මෙහෙයුම් පොලිසිය විසින් දැඩි කර ඇති අතර, අනතුරු වළක්වා ගැනීම සම්බන්ධයෙන් සමාජය තුළ පුළුල් කතිකාවතක් ගොඩනැගීමේ අවශ්යතාව ද මෙහිදී ප්රකාශ කෙරිණි.
