ශ්රී ලංකාවේ ප්රමුඛ පෙළේ සංචාරක සේවා සපයන්නෙකු වන Solo Sri Lankan ආයතනය, 2025 වසර සඳහා වන Tripadvisor Travellers’ Choice සම්මානයෙන් පිදුම් ලබා තිබේ. ලොව පුරා සංචාරකයින් Tripadvisor වෙබ් අඩවිය ඔස්සේ ලබාදුන් සැබෑ අත්දැකීම් සහ ඉහළ වර්ගීකරණයන් පදනම් කර ගනිමින් මෙම සම්මානය පිරිනමා ඇති අතර, ඒ අනුව Solo Sri Lankan ආයතනය ලොව පුරා ඇති සංචාරක ලැයිස්තුගත කිරීම් අතරින් හොඳම 10% අතරට පැමිණීමට සමත් වී ඇත.
මෙම ජයග්රහණය පිළිබඳව අදහස් දක්වමින් එහි කළමනාකාර අධ්යක්ෂ තුෂාන්ත් රාජේන්ද්රන් මහතා ප්රකාශ කළේ තම ආයතනය සංචාරකයින් හුදෙක් ගනුදෙනුකරුවන් ලෙස නොව “අමුත්තන්” ලෙස සලකන බවයි. ඔවුන් ගමන් බිමන් විකුණනවා වෙනුවට සංචාරකයින්ගේ මුවඟට සිනහවක් ගෙන ඒමට කැපවී සිටින බව ඔහු වැඩිදුරටත් සඳහන් කළේය.
සංචාරකයින් ශ්රී ලංකාවට පැමිණීමට පෙර විදෙස් රටවල සිට සම්බන්ධ වන මොහොතේ සිට ඔවුන් නැවත පිටත්ව යන තෙක්ම ඉතා සුහදශීලී සහ පෞද්ගලික අවධානයක් සහිත සේවාවක් සැපයීම මෙම ආයතනයේ සුවිශේෂී ලක්ෂණයකි. මෙම ජාත්යන්තර ඇගයීම හරහා ශ්රී ලංකාවේ සංචාරක ක්ෂේත්රය තුළ Solo Sri Lankan සතු විශ්වාසය තවදුරටත් තහවුරු වන අතර මෙරට ආගන්තුක සත්කාරයේ ප්රමිතිය ඉහළ නැංවීමට ද එය විශාල දිරිගැන්වීමක් වනු ඇත.
