මැදපෙරදිග කලාපයේ පවතින යුදමය වාතාවරණය හේතුවෙන් එම ගුවන් කලාපය හරහා සිදුකරන සියලුම ගුවන් ගමන් අද (02) මධ්යම රාත්රී 12 දක්වා තාවකාලිකව අවලංගු කර ඇති බව වරාය සහ සිවිල් ගුවන් සේවා අමාත්ය අනුර කරුණාතිලක මහතා පවසයි. යුද කලාපයෙන් බැහැර අනෙකුත් ප්රදේශ සඳහා ගුවන් ගමන් ක්රියාත්මක වුවද, ආරක්ෂක හේතූන් මත ඇතැම් කලාප සීමිත ගුවන් වාර සඳහා පමණක් විවෘතව පවතින බවත්, විදේශීය ගුවන්තොටුපොළවල සිරවී සිටින ශ්රී ලාංකිකයන් කඩිනමින් මෙරටට ගෙන්වා ගැනීමට පියවර ගන්නා බවත් අමාත්යවරයා අවධාරණය කළේය. මේ අතර, ගුවන් ගමන් අත්හිටුවීම නිසා මෙරටින් පිටවීමට නොහැකි වූ මගීන්ගේ වීසා බලපත්ර ඇතුළු අවශ්ය පහසුකම් සලසා දී ඇති අතර, නාවික ප්රවාහන කටයුතුවලට මෙතෙක් බාධාවක් එල්ල වී නොමැති බවත් කොළඹ සහ හම්බන්තොට වරායන් වෙත පැමිණෙන නෞකාවලට අවශ්ය සියලු පහසුකම් සැපයීමට සූදානම් බවත් ඔහු වැඩිදුරටත් සඳහන් කළේය.
