2026 වර්ෂයේ පළමු මාස තුන තුළ රජය රුපියල් මිලියන 606,002ක ඉහළ බදු ආදායමක් රැස් කර ගැනීමට සමත් වී තිබේ. මෙය පසුගිය 2025 වසරේ පළමු කාර්තුවට සාපේක්ෂව 17.7% ක කැපී පෙනෙන වර්ධනයක් ලෙස වාර්තා වේ.
පළමු කාර්තුව තුළදී ලබා ගත් මෙම ආදායම, 2026 මුළු වර්ෂය සඳහා රජය අපේක්ෂිත සමස්ත ආදායම් ඉලක්කයෙන් 25%ක් සම්පූර්ණ කිරීමට සමත්ව ඇත. වසරේ මුල් භාගයේදීම මෙලෙස ඉලක්ක සපුරා ගැනීම රටේ මූල්ය ස්ථාවරත්වය කෙරෙහි යහපත් බලපෑමක් ඇති කරනු ඇතැයි ආර්ථික විශ්ලේෂකයෝ පෙන්වා දෙති.
රජය විසින් මෑතකදී හඳුන්වා දුන් බදු ප්රතිසංස්කරණ සහ බදු එකතු කිරීමේ ක්රියාවලිය වඩාත් විධිමත් කිරීම මෙම ආදායම් වර්ධනයට ප්රධාන වශයෙන් හේතු වී තිබේ. මෙමඟින් රජයේ අයවැය පරතරය අවම කර ගැනීමට සහ අත්යවශ්ය මහජන සේවාවන් සඳහා ප්රතිපාදන වෙන් කිරීමට වැඩි ඉඩකඩක් ලැබෙනු ඇත.
