ශ්රී ලංකාව සහ තායිලන්තය අතර පවතින දීර්ඝකාලීන ආගමික සබඳතා තවදුරටත් තහවුරු කරමින් තායිලන්තයේ ‘Phra Phuttha Metta’ බුද්ධ ප්රතිමා වහන්සේලා 108 නමක් මෙරටට පූජා කිරීමේ විශේෂ පුණ්ය ව්යාපෘතියක් ආරම්භ කර තිබේ. තායිලන්තයේ ‘Maha Rattana Buddhist Association’ නියෝජිත පිරිසක් ඊයේ (13) විදේශ කටයුතු අමාත්ය විජිත හේරත් මහතා හමු වී මේ පිළිබඳව සාකච්ඡා කළහ.
‘Dhamma Bridge’ වැඩසටහන යටතේ ක්රියාත්මක මෙම ව්යාපෘතිය මගින් නුවරඑළිය දිස්ත්රික්කයේ අඩු පහසුකම් සහිත විහාරස්ථාන වෙත ප්රථමයෙන් බුද්ධ ප්රතිමා පූජා කෙරෙන අතර, ඉදිරියේදී එය දිවයින පුරා ව්යාප්ත කිරීමට නියමිතය. දෙරටේ බෞද්ධ ජනතාව අතර සංස්කෘතික හා අධ්යාත්මික බැඳීම වර්ධනය කිරීම මෙම වැඩසටහනේ මූලික අරමුණයි.
