දිවයිනේ පළාත් සහ දිස්ත්රික්ක කිහිපයකට අද පස්වරුවේ ප්රබල අකුණු ඇති විය හැකි බවට කාලගුණ විද්යා දෙපාර්තමේන්තුව විසින් අවවාදාත්මක නිවේදනයක් නිකුත් කර තිබේ. විශේෂයෙන්ම බස්නාහිර, සබරගමුව, දකුණ සහ ඌව පළාත්වලටත්, මහනුවර සහ නුවරඑළිය දිස්ත්රික්ක සඳහාත් මෙම නිවේදනය බලපැවැත්වේ.
අද පස්වරු 2න් පමණ පසුව මෙම ප්රදේශවල ඇතැම් ස්ථානවලට ගිගුරුම් සහිත වැසි සමඟ ප්රබල අකුණු ඇති වීමේ වැඩි හැකියාවක් පවතින බව කාලගුණ නිවේදනයේ සඳහන් වේ. එමෙන්ම ගිගුරුම් සහිත වැසි ඇති වන අවස්ථාවලදී එම ප්රදේශවල තාවකාලිකව තද සුළං ද ඇති විය හැකිය.
අකුණු මඟින් සිදු වන අනතුරු අවම කර ගැනීම සඳහා එළිමහන් ස්ථානවල හෝ ගස් යට රැඳී සිටීමෙන් වළකින ලෙසත්, විදුලි උපකරණ භාවිතයේදී සැලකිලිමත් වන ලෙසත් කාලගුණ විද්යා දෙපාර්තමේන්තුව මහජනතාවගෙන් ඉල්ලා සිටියි. පවතින උණුසුම් කාලගුණයත් සමඟ සවස් කාලයේ මෙලෙස වැසි තත්ත්වයක් වර්ධනය වීම කෙරෙහි ජනතාව අවධානය යොමු කිරීම වැදගත් වේ.
