ශ්රී ලංකාවේ සංචාරක ක්ෂේත්රය 2026 වසරේ මුල් භාගයේදීම විශාල පිම්මක් ලබා ගනිමින්, පෙබරවාරි 15 වනදා වන විට මෙරටට පැමිණි සංචාරකයින් සංඛ්යාව 436,000ක් දක්වා ඉහළ ගොස් ඇත. සංචාරක නියෝජ්ය අමාත්ය මහාචාර්ය රුවන් රණසිංහ මහතා අද (19) ප්රකාශ කළේ, මෙය පෙර වසරවල් සමඟ සංසන්දනය කිරීමේදී ඉතා ඉහළ වර්ධනයක් බවයි. විශේෂයෙන්ම මෙරට පැවැත්වෙන විස්සයි විස්ස (T20) ක්රිකට් තරගාවලිය සංචාරක ආකර්ෂණය වැඩිකර ගැනීමට බෙහෙවින් දායක වී ඇති අතර, මේ හේතුවෙන් කොළඹ නගරයේ හෝටල් කාමර ධාරිතාව (Occupancy Rate) මේ වන විට 100% ක උපරිම මට්ටමක පවතින බව ද ඔහු සඳහන් කළේය.
මෙම වර්ධනය තවදුරටත් ඉදිරියට ගෙන යාම සඳහා රජය විසින් රුපියල් බිලියන 2ක වියදමින් රටවල් 15ක් ඉලක්ක කරගත් ගෝලීය ප්රවර්ධන වැඩසටහනක් ක්රියාත්මක කිරීමට සැලසුම් කර ඇත. ශ්රී ලංකාවේ ජාත්යන්තර ප්රතිරූපය ඉහළ නැංවීම හරහා වැඩි විදේශ විනිමය ප්රමාණයක් උපයා ගැනීම මෙම වැඩපිළිවෙළේ ප්රධාන අරමුණයි. සංචාරකයින්ගේ පැමිණීම ප්රමාණාත්මකව මෙන්ම ගුණාත්මකව ද ඉහළ නැංවීමට අවශ්ය සියලු පහසුකම් සැපයීමට රජය කැපවී සිටින බව ද නියෝජ්ය අමාත්යවරයා වැඩිදුරටත් අවධාරණය කළේය.
