ශ්රී ලංකාවෙන් වාර්ෂිකව වාර්තා වන ක්ෂය රෝගීන්ගෙන් 45%ක්ම බස්නාහිර පළාතෙන් වාර්තා වන බව ප්රජා සෞඛ්ය විශේෂඥ මිසායා කාදර් මහත්මිය පවසයි. ලෝක ක්ෂය රෝග දිනය (මාර්තු 24) නිමිත්තෙන් පැවැති ප්රවෘත්ති සාකච්ඡාවකදී ඇය සඳහන් කළේ මෙරටින් වසරකට රෝගීන් 8,500ත් 9,500ත් අතර සංඛ්යාවක් වාර්තා වන බවයි. පසුගිය වසරේ වාර්තා වූ රෝගීන් 8,726 දෙනාගෙන් 75%ක්ම පෙනහලුගත ක්ෂය රෝගීන් වන අතර, ඉන් වැඩි පිරිසක් රෝගය බෝ කළ හැකි මට්ටමේ පසුවන බව ද අනාවරණය වී තිබේ. විශේෂයෙන්ම කොළඹ නගරයේ මෝදර, මට්ටක්කුලිය, බොරැල්ල, වනාතමුල්ල සහ ග්රෑන්ඩ්පාස් යන ප්රදේශ ක්ෂය රෝග ව්යාප්තිය අතින් ඉහළ අවදානමක් සහිත ප්රදේශ ලෙස හඳුනාගෙන ඇත.
