“වනස්පති” ජාතික වැඩසටහන තවදුරටත් පුළුල් කරමින් එළඹෙන මාර්තු 21 වනදාට යෙදෙන ජගත් වනාන්තර දිනයට සමගාමීව ශ්රී ලංකාවේ තවත් වනාන්තර 50ක් රක්ෂිත වනාන්තර ලෙස ප්රකාශයට පත් කිරීමට රජය තීරණය කර ඇති බව පරිසර අමාත්ය වෛද්ය ධම්මික පටබැඳි මහතා පවසයි. අද (17) රජයේ ප්රවෘත්ති දෙපාර්තමේන්තුවේ පැවැති මාධ්ය හමුවකදී අමාත්යවරයා සඳහන් කළේ “වනාන්තර සහ ආර්ථිකය” යන තේමාව යටතේ මෙවර වනාන්තර දිනය සැමරෙන බවයි. මුලින් නුවරඑළියේදී පැවැත්වීමට සැලසුම් කර තිබූ විශේෂ උත්සවය, පවතින ගෝලීය දේශපාලන හා ආර්ථික අර්බුද හමුවේ උත්සව සීමා කිරීමට රජය ගත් තීරණයට අනුගත වෙමින් අවලංගු කර ඇති අතර, ඒ වෙනුවට පරිසර අමාත්යාංශ පරිශ්රයේදී සරල වැඩසටහන් මාලාවක් ක්රියාත්මක කිරීමට නියමිතය. පසුගිය වසරේදී ද මෙම වැඩපිළිවෙළ යටතේ වනාන්තර 29ක් රක්ෂිත ලෙස ගැසට් කර සංරක්ෂණය කිරීමට පියවර ගත් බවත්, මෙම වසරේදී එම ඉලක්කය වනාන්තර 50ක් දක්වා ඉහළ නැංවීමට කටයුතු කරන බවත් අමාත්යවරයා වැඩිදුරටත් අවධාරණය කළේය.
