පෞද්ගලික රථවාහන සහ වාණිජ කටයුතු සඳහා යොදා ගන්නා වාහන ඇතුළුව මෙරට වාහන ආනයනය සඳහා වූ වියදම 2026 වසරේ පෙබරවාරි මාසය තුළදී එක්සත් ජනපද ඩොලර් මිලියන 194 ක් දක්වා පහත වැටී ඇති බව ශ්රී ලංකා මහ බැංකුව පවසනවා. 2025 වසරේ ජූනි මාසයෙන් පසුව මාසික වාහන ආනයන වියදම ඩොලර් මිලියන 200 සීමාවට වඩා පහළට පැමිණි පළමු අවස්ථාව මෙය ලෙසයි වාර්තා වන්නේ.
2026 වසරේ ජනවාරි මාසයේදී වාහන ආනයනය වෙනුවෙන් ඩොලර් මිලියන 224 ක වියදමක් දරා තිබූ අතර ඒ අනුව 2026 වසරේ මුල් මාස දෙක (ජනවාරි-පෙබරවාරි) සඳහා රථ වාහන ආනයන වෙනුවෙන් වැය කර ඇති මුළු මුදල එක්සත් ජනපද ඩොලර් මිලියන 418 ක් වනවා.
මීට පෙර ශ්රී ලංකා මහ බැංකුව සඳහන් කර තිබුණේ 2025 වසරේ සමස්ත කාලපරිච්ඡේදය තුළම රථ වාහන ආනයනය සඳහා ඩොලර් මිලියන 2,047 ක මුළු වියදමක් දරා තිබූ බවයි.
