පවතින අධික වියළි කාලගුණ තත්ත්වයේ වෙනසක් හෙට (02) සිට අපේක්ෂා කරන බව කාලගුණ විද්යා දෙපාර්තමේන්තුව විශේෂ නිවේදනයක් නිකුත් කරමින් සඳහන් කරයි. කෙසේ වෙතත් පවතින දැඩි උණුසුම් කාලගුණ තත්ත්වය තවදුරටත් නොවෙනස්ව පවතිනු ඇති බව එම දෙපාර්තමේන්තුව පෙන්වා දෙයි. බස්නාහිර සහ සබරගමුව පළාත්වලත් දකුණු පළාතේත් සවස් කාලයේදී හෝ රාත්රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැකි බව වාර්තා වේ.
දිවයිනේ සෙසු ප්රදේශවල ප්රධාන වශයෙන් වියළි කාලගුණික තත්ත්වයක් පවතින අතර මධ්යම සහ ඌව පළාත්වලත් ගාල්ල සහ මාතර දිස්ත්රික්කවලත් අලුයම් කාලයේදී මීදුම් සහිත තත්ත්වයක් පැවතිය හැකිය. ගිගුරුම් සහිත වැසි සමඟ ඇති විය හැකි තාවකාලික තද සුළං සහ අකුණු අනතුරු පිළිබඳව දැඩි අවධානයෙන් පසුවන ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටියි. විශේෂයෙන්ම එළිමහන් ස්ථානවල රැඳී සිටීමේදී අකුණු අනතුරු මඟහරවා ගැනීමට අවශ්ය පියවර ගන්නා ලෙස උපදෙස් ලබා දී ඇත.
අධික උණුසුම පවතින බැවින් ප්රමාණවත් පරිදි ජලය පානය කරන ලෙසත් සෞඛ්යාරක්ෂිත පියවර අනුගමනය කරන ලෙසත් මෙහිදී අවධාරණය කෙරේ. ඉදිරි දින කිහිපය තුළ කාලගුණික තත්ත්වයේ සිදුවන මෙම වෙනස්වීම් පිළිබඳව අවධානයෙන් පසුවීම වැදගත් වේ.
