කාලගුණ විද්යා දෙපාර්තමේන්තුව අද (07) නිකුත් කළ නිවේදනයට අනුව දිවයිනේ බොහෝ ප්රදේශවල ප්රධාන වශයෙන් වියළි කාලගුණික තත්ත්වයක් පවතී. කෙසේ වෙතත්, දකුණු පළාතේත් රත්නපුර සහ කළුතර දිස්ත්රික්කවලත් සවස් කාලයේදී හෝ රාත්රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකි බව එම දෙපාර්තමේන්තුව පවසයි.
විශේෂයෙන්ම උතුරු, උතුරු-මැද, මධ්යම, සබරගමුව, ඌව සහ වයඹ පළාත්වල ඇතැම් ස්ථානවල අලුයම් කාලයේදී ඝන මීදුම් සහිත තත්ත්වයක් බලාපොරොත්තු විය හැක. මේ හේතුවෙන් මාර්ග දෘශ්යතාව අඩුවිය හැකි බැවින් රියදුරන් දැඩි අවධානයෙන් පසුවිය යුතුය.
දිවයින වටා වන මුහුදු ප්රදේශවල සුළං නිශ්චිත දිශාවකින් තොරව හමා එන අතර සුළං වේගය පැයට කිලෝමීටර් 20 සිට 30 දක්වා මට්ටමක පවතී. දිවයින වටා වන මුහුදු ප්රදේශ සාමාන්ය ස්වභාවයේ පවතින බව ද කාලගුණ අනාවැකියේ වැඩිදුරටත් සඳහන් වේ.
