ශ්රී ලංකාවේ භූමිය, මුහුදු කලාපය මෙන්ම ගුවන් කලාපය ද කිසිසේත්ම කවර හෝ රාජ්යයන් අතර පවතින ගැටුමකදී පක්ෂපාතී ආකාරයට හෝ වෙනත් රාජ්යයකට පීඩාවක් වන අයුරින් යොදා ගැනීමට ඉඩ නොදෙන බව ජනාධිපති අනුර කුමාර දිසානායක මහතා අවධාරණය කරයි. මැදපෙරදිග කලාපයේ පවතින උණුසුම් යුදමය තත්ත්වය සහ ඉන් මෙරටට එල්ල විය හැකි බලපෑම් පිළිබඳව විශේෂ මාධ්ය හමුවක් කැඳවමින් ජනාධිපතිවරයා ප්රකාශ කළේ, ජාත්යන්තර දේශපාලනය හමුවේ ශ්රී ලංකාව සැමවිටම නොසැලෙන මධ්යස්ථ ප්රතිපත්තියක් අනුගමනය කරන බවයි.
පවතින ඕනෑම ජාත්යන්තර අර්බුදයකදී මෙරට ස්වෛරීභාවය ආරක්ෂා කරගනිමින්, කිසිදු පාර්ශවයකට යුදමය සහයෝගයක් ලබා නොදීමට රජය තීන්දු කර ඇති බව හෙතෙම පෙන්වා දුන්නේය. මිනිස් ජීවිත සුරක්ෂිත කිරීම සහ මානුෂීය වගකීම් ඉටුකිරීම රජයේ ප්රමුඛතම කාර්යය වන නමුත්, එය කිසිසේත්ම යුද කටයුතු සඳහා මෙරට සම්පත් හෝ භූමිය විවෘත කිරීමක් නොවන බව ජනාධිපතිවරයා වැඩිදුරටත් සඳහන් කළේය. රටේ කීර්තිනාමය සහ ජාතික ආරක්ෂාව වෙනුවෙන් මෙවැනි මධ්යස්ථ ස්ථාවරයක සිට නිර්භීත තීන්දු ගැනීමට රජය සැමවිටම සූදානම් බව ද ඔහු මෙහිදී අවධාරණය කර සිටියේය.
