මැදපෙරදිග කලාපයේ පවතින උණුසුම් තත්ත්වය හේතුවෙන් ගුවන් ගමන් අවලංගු වීම නිසා අපහසුතාවයට පත් වූ මගීන්ට සහාය වීම සඳහා ලබන මාර්තු 08 වන දින කොළඹ සහ ලන්ඩන් අතර අතිරේක ගුවන් වාරයක් ක්රියාත්මක කිරීමට ශ්රීලංකන් ගුවන් සේවය තීරණය කර තිබේ. ඒ අනුව UL 1205 අංකය දරන අතිරේක ගුවන් යානය මාර්තු 8 වන ඉරිදා පෙදවරු 06.50 ට කොළඹින් පිටත්ව එදිනම පස්වරු 01.10 ට ලන්ඩන් වෙත ළඟා වීමට නියමිතය. එහි ආපසු ගමන් වාරය වන UL 1206 ගුවන් යානය එදිනම පස්වරු 03.05 ට ලන්ඩන් නුවරින් පිටත්ව පසුදින පෙදවරු 06.55 ට යළි කොළඹට ළඟා වනු ඇත.
පවතින තත්ත්වය පිළිබඳව අඛණ්ඩව අවධානයෙන් පසුවන ශ්රීලංකන් ගුවන් සේවය, ගමන් සැලසුම් බාධා වී ඇති මගීන්ට සහාය වීම සඳහා තෝරාගත් තවත් ගමන් මාර්ග කිහිපයක ඉදිරියේදී අතිරේක ගුවන් වාර ක්රියාත්මක කිරීමට සැලසුම් කරමින් සිටියි. මේ පිළිබඳ වැඩිදුර තොරතුරු ගුවන් සේවයේ ක්ෂණික ඇමතුම් අංක වන 1979 හෝ +94 11 777 1979 ඔස්සේ ලබාගත හැකි අතර WhatsApp පණිවිඩයක් මගින් ද විමසීම් කළ හැකිය. එසේම සංචාරක නියෝජිතයන් සම්බන්ධ කරගැනීමෙන් හෝ නිල වෙබ් අඩවියට පිවිසීමෙන් නවතම තොරතුරු ලබාගත හැකි බව ගුවන් සේවය වැඩිදුරටත් සඳහන් කරයි.
