ග්රාම නිලධාරින්ගේ වැටුප් වැඩි කිරීමට කැබිනට් අනුමැතිය හිමි වු බව රාජ්ය අමාත්ය අශෝක කියයි
![](https://ttvnews.lk/wp-content/uploads/2024/05/Ashoka_priyantha_TTVnews.jpg)
මෙරට 13,000කට අධික ග්රාම නිලධාරිවරුන්ට අනන්ය වැටුප් තලයක් ලබාදී වැටුප් සහ දීමනා ඉහළ නැංවීම සඳහා කැබිනට් අනුමැතිය ලැබී ඇති බව ස්වදේශ කටයුතු රාජ්ය අමාත්ය අශෝක ප්රියන්ත මහතා පවසයි. රාජ්ය අමාත්යවරයා මේ බව පැවසුවේ අද (22) පාර්ලිමේන්තුවේදී අනුර දිසානායක මන්ත්රීවරයා ස්ථාවර නියෝග 27-2 යටතේ රාජ්ය පරිපාලන, ස්වදේශ කටයුතු, පළාත් සභා හා පළාත් පාලන අමාත්ය, අග්රාමාත්ය දිනේෂ් ගුණවර්ධන මහතාගෙන් විමසූ ප්රශ්නයකට පිළිතුරු දෙමිනි.
ඒ සම්බන්ධයෙන් වැඩිදුරටත් පිලිතුරු ලබා දෙමින් රාජ්ය අමාත්ය අශෝක ප්රියන්ත කියා සිටියේ ඒ අනුව GN නමින් නව වැටුප් කේතයක් ග්රාම නිලධාරිවරුන් සඳහා හිමිවන අතර, අලුතින් එම සේවයට එක්වන ග්රාම නිලධාරිවරයෙකුගේ මූලික වැටුප රු. 28,940 සිට රු. 30,140ක් දක්වා ඉහළ යනු ඇති බවයි.
ග්රාම නිලධාරී සේවයේ 2 ශ්රේණියේ නිලධාරියෙකුගේ මූලික වැටුප රු.33,690 දක්වාත්, 3 ශ්රේණියේ අයෙකුගේ මූලික වැටුප රු.38,590ක් දක්වාත් ඉහළ යාමට නියමිතය. අදාළ ප්රාදේශීය සභා සීමාව තුළ මාසික කාර්යාල දීමනාව රු. 1000 සිට 2000 දක්වාත්, නගර සභා සීමාව තුළ රු. 1500 සිට 3000 දක්වාත්, වාර්ෂික ලිපි ද්රව්ය දීමනාව රු. 1500 සිට රු. 3000 දක්වාත් ඉහළ නංවා 2024.04.01 සිට ක්රියාත්මක කිරීමටද අමාත්ය මණ්ඩල අනුමැතිය හිමිව ඇත. මීට අමතරව අනෙකුත් නිල ඇඳුම්, ගමන්, සන්නිවේදන දීමනා වැඩි කිරීම සඳහා, 2025 අය-වැය පිළියෙළ කිරීමේදී, මහා භාණ්ඩාගාරය සමග සාකච්ඡා කර පියවර ගැනීමටද රාජ්ය පරිපාලන අමාත්යංශ ලේකම්වරයාට නියම කර තිබේ.