2015 – 2019 කාලවකවානුව තුළ විපක්ෂ නායකතුමා නිවාස ඉදිකිරීම් අමාත්‍යාංශය, සංස්කෘතික අරමුදල, ඉංජිනේරු සංස්ථාව කඩා බිද දැමු බව ද මෙවැනි අයෙකු රට ගොඩනගනුයේ කෙසේදැයි යන්න ප්‍රශ්නයක් බව රාජ්‍ය අමාත්‍ය ඉන්දික අනුරුද්ධ මහතා පවසයි.
ඒ මහතා මේ බව ප්‍රකාශ කළේ ශ්‍රි ලංකා පොදුජන පෙරමුණ පක්ෂ මූලස්ථානයේ අද (07) පැවති ප්‍රවෘත්ති සාකච්ඡාවට එක්වෙමිනි.
එහිදි රාජ්‍ය අමාත්‍ය ඉන්දික අනුරුද්ධ මහතා වැඩිදුරටත් මෙසේ අදහස් පල කලේය “පහුගිය දවස්වල විපක්ෂ නායකතුමා දිගින් දිගටම මේ රට බංකොලොත් වෙන්න, මේ රට වර්තමාන තිබෙන තත්වය ඇතිවෙන්න හේතුවක් වෙලා තිබෙන්නේ පහුගිය පාලන කාලය තුළ ගත්තු තීන්දු තිරණ සහ පහුගිය කාලයේ කලා වු දුෂණ, වැරදී තීන්දු කියන එක සමාජගත කරන්න උත්සහ කරනවා. ඊයේ දවසෙත් පාර්ලිමේන්තුව තුළ ජනාධිපතිතුමාටත්, ආණ්ඩු පක්ෂයටත් එතුමා ඒ චෝදනාව කරනවා. සදාචාරයක් ඇතිව, මම දන්නේ නැහැ ඒ චෝදනාව කරන්න පුළුවන්ද කියලා. ශ්‍රී ලංකා පොදුජන පෙරමුණ විදිහට අපි ආණ්ඩුව ඇතුලේ කටයුතු කරනවා. ශ්‍රී ලංකා පොදුජන පෙරමුණ නිර්මාණය වෙන්නේ ජනතා විශ්වාසය මත. 2015 – 2019 කාලවකවානුව තුළ සජිත් ප්‍රේමදාස මහතා හිටපු ආණ්ඩුවත්, අද වෙනම සන්ධාන බවට පත්වෙන්න කටයුතු කරන ඇතැම් ආණ්ඩුව ඇතුලේ ඉන්න ඇමතිවරු, ආණ්ඩුවෙන් පිටත ස්වාධීනයි කියලා කටයුතු කරන පිරිසත් ගත්තු ක්‍රියාමාර්ග නිසා තමයි සිටයයට 6 ට,7 ට තිබුණු ආර්ථිකය සියයට 3 ටත් අඩු අගයකට ගෙනල්ලා තියන්න සිදුවුණේ. විශේෂයෙන්ම ඒ අවස්ථාවේ ජාතික ආරක්ෂාව තර්ජනයට පත්වී තිබුණා.මේ සියලු කාරණා ඇතුලේ විපක්ෂ නායකවරයා එතුමාගේ අමාත්‍යාංශ අවභාවිතා කළා. එතුමා සංස්කෘතික අරමුදල අවභාවිතා කෙරුවා. ඒවා සියලු තැන්වල ඔප්පු වෙලා තිබෙනවා. එතුමා දැන් ඇවිල්ලා දූෂණය, නාස්තිය ගැන කතා කරනවා. එතුමා කරපු නාස්තියේ ප්‍රමාණය අපි අභියෝග කරනවා. එතුමා පහුගිය වැය ශීර්ෂ දෙක තුන තුළදීම පාර්ලිමේන්තුව මඟ ඇරලා ගියා. එතුමා උත්තරීතර පාර්ලිමේන්තුව මඟ අරිමින් ඒ වගේම වර්තමානය වන විට උත්තරීතර පාර්ලිමේන්තුව භාවිතා කරමින් ජනතාවට වෙනත් වැරදි ප්‍රවෘත්තියක්, ප්‍රචාරයක් ගෙනියන්න උත්සහ කරනවා. ඒ නිසා අපි අභියෝග කරනවා, ආරාධනා කරනවා එතුමාට විවෘත සංවාදයකට එන්න ඔබතුමා කරපු අමාත්‍යාංශවල අකර්යක්ෂමතාවය අපි කියන්න. එතුමා සේවකයින් බදවාගැනීම තුළ කරපු නීති විරෝධි ක්‍රියාපටිපාටිය අපි කවුරුත් දන්නවා. මේ විදිහට තමයි 2015 – 2019 කාලවල අමාත්‍යාංශ අවභාවිතා කළේ. ඒකෙන් තමයි නිවාස ඉදිකිරීම් අමාත්‍යාංශය කඩාගෙන වැටුනේ. ඉංජිනේරු සංස්ථාව, සංස්කෘතික අරමුදල කඩාගෙන වැටුනේ. මෙහෙම කරපු මනුස්සයෙක් දැන් රට හදන්න යෝජනා කරනවා. දිස්ත්‍රික් නායකයෙක් විදිහට හම්බන්තොට දිස්ත්‍රික්කයේ එතුමා කටයුතු කළා. හම්බන්තොට වරාය විකුණුවා. හම්බන්තොට වරාය විකුණද්දි දහස් සංඛ්‍යාත තරුණ තරුණියන්ගේ රැකියා නැතිව යනවා. මෙය විකුණන්න එපා කියලා එවක ජනාධිපතිතුමාට යෝජනාවක්වත් කරන්න තිබුණා. පාර්ලිමේන්තුව තුළ අද මේ ඉදිරිපත් කරන විසිහත දෙක යටතේ ඉදිරිපත් කරන ප්‍රශ්න එතුමා ආණ්ඩු පක්ෂයේ ඉදගෙනවත් එතුමා කොන්ද කෙලින් තියාගෙන කටයුතු කළා නම් අපිට එතුමාට මේ චෝදනාව කරන්න වෙන්නේ නැහැ. ඒ නිසා මේ වගේ ජාතික සම්පත් විනාශ වෙන්න දීලා, ඒ වගේම ජාතික ව්‍යවසායකයින් කඩාවැටෙන ආකාරයට , අහිංසක දුගි දුප්පත් මිනිස්සුන්ට බලාපොරොත්තු දීලා, තරුණ තරුණියන්ට බලාපොරොත්තු දිලා එතුමා කරපු කාරණා විශාල ප්‍රමාණයක් තිබෙනවා. ඒ නිසා ශ්‍රී ලංකා පොදුජන පෙරමුණට චෝදනා කරනවා නම් දෙපාරක් හිතන්න. අපි විශ්වාසය මත ගොඩනැගුණු දේශපාලන ව්‍යාපාරයක්. දේශපාලන පක්ෂයක්. එය මහින්ද රාජපක්ෂ මැතිතුමා 2005 යුද්ධය අවසන් කරපු තැන ඉඳලා කරපු අසීමිත සංවර්ධන කටයුතු ගණනාවක්, සෑමදේම ආවරණය වන විදිහට මේ රට මේ තත්වයට සංවර්ධනය කරපු නිසා තමයි මේ කඩාවැටීමත් එක්ක කෙටිකාලය තුළ අපිට නැවත යථාතත්වයට රට ගෙන එන්න පුළුවන් මාර්ගය ගැන කතා කරන්න පුළුවන් වෙලා තිබෙන්නේ. ඒ නිසා එතුමා මේ චෝදනා කරද්දි දෙපාරක් හිතන්න ඕන. සියයට තුනේ කල්ලිය ගැන බොරුවට කතා කරලා මාතෘකා හදන්න කැමති නැහැ. සමගි ජනබලවේගය විදිහට ඔබතුමාලා වෙනත් ක්‍රමවේදයකින් පැමිණියත් ජනතාව දන්නවා 2015 – 2019 තුළ ඇමතිකම් දරපු, තනතුරුකම්, වගකීම් දරපු පිරිස තමයි ඒ අවස්ථාවේ ආර්ථිකය සියයට හතේ එක සියයට 3 අඩු අගයකට ගෙනල්ලා මේ තත්වයට රට පත්කලේ කියලා.”යනුවෙන් රාජ්‍ය අමාත්‍ය ඉන්දික අනුරුද්ධ මහතා මෙහිදි සඳහන් කළේ ය.
