වසර 33ක ප්රහසන වැඩසටහන් මෙහෙයවීමෙන් පසු විශ්රාම ගන්නා සුප්රකට ඇමරිකානු නිවේදක ස්ටීවන් කොල්බර්ට් (Stephen Colbert), ‘The Lord of the Rings’ සිනමා විශ්වයේ නවතම නිර්මාණයක් සඳහා අතගසා ඇති බව අද (2026 මාර්තු 26) වාර්තා වේ. J.R.R. ටොල්කියන්ගේ (J.R.R. Tolkien) කෘති පිළිබඳ දැඩි රසිකයෙකු වන ඔහු, පීටර් ජැක්සන් (Peter Jackson) සමඟ එක්ව ‘The Lord of the Rings: Shadow of the Past’ නමින් මෙම නව චිත්රපටය නිර්මාණය කිරීමට සැලසුම් කර ඇත.
මෙම නව කතාව ‘The Fellowship of the Ring’ කෘතියේ මුල් සිනමා ත්රිත්වයේදී මගහැරුණු පරිච්ඡේද (3 සිට 8 දක්වා) පදනම් කරගෙන නිර්මාණය වන්නකි. මෙහි විශේෂත්වය වන්නේ ෆ්රෝඩෝගේ නික්මයාමෙන් වසර 14කට පසු, සෑම්ගේ දියණිය වන එලනෝර් (Elanor) විසින් ‘මුදු යුද්ධය’ (War of the Ring) පිළිබඳ සැඟවුණු රහසක් සොයා යන ආකාරය නිරූපණය වීමයි. මේ සඳහා ‘Lord of the Rings’ මුල් තිර රචිකාවියක වන පිලිප්පා බෝයන්ස් ද (Philippa Boyens) සහාය වීමට නියමිතය.
කෙසේ වෙතත්, මෙම නව නිවේදනය සම්බන්ධයෙන් ඇතැම් රසිකයන් පවසන්නේ මෙය මුල් කතාවට අනවශ්ය ලෙස ‘ෆෑන්-ෆික්ෂන්’ (Fan-fiction) එකතු කිරීමක් විය හැකි බවයි. නමුත් ස්ටීවන් කොල්බර්ට් සහතික වී ඇත්තේ තමන් මුල් කෘතියට උපරිම සාධාරණයක් ඉටු කරන බවයි. CBS නාලිකාවේ ඔහුගේ වැඩසටහන එළඹෙන මැයි මාසයෙන් අවසන් වීමත් සමඟ ඔහු මෙම දැවැන්ත ව්යාපෘතියේ වැඩකටයුතු ආරම්භ කිරීමට නියමිතය.
