අතරමැදියන්ගේ ග්රහණයෙන් තොරව දේශීය හස්ත කර්මාන්ත ශිල්පීන්ට තම නිෂ්පාදන සඳහා උපරිම වටිනාකමක් ලබාදීම රජයේ ප්රමුඛ ප්රතිපත්තියක් බව කර්මාන්ත හා ව්යවසායකත්ව සංවර්ධන අමාත්ය සුනිල් හඳුන්නෙත්ති මහතා පවසයි. ශ්රී ලංකා හස්ත කර්මාන්ත මණ්ඩලයට (ලක්සල) අයත් 14 වැනි අලෙවි ශාඛාව ඊයේ (11) මීගමුව නගරයේදී විවෘත කරමින් අමාත්යවරයා මේ බව සඳහන් කළේය.
මෙම නව ව්යාපෘතියේ විශේෂතා කිහිපයක් මෙසේය:
ජාත්යන්තර වෙළඳපොළක් විවර කිරීම: මීගමුව සංචාරක කලාපය කේන්ද්ර කරගනිමින් මෙරට පාරම්පරික හස්ත කර්මාන්ත ශිල්පීන්ගේ නිෂ්පාදන සඳහා විදේශීය ආකර්ෂණය ලබා ගැනීම මෙහි ප්රධාන අරමුණයි. නිෂ්පාදන විවිධත්වය: බතික්, ලී කැටයම්, මැටි, පිත්තල භාණ්ඩ මෙන්ම දේශීය මැණික් හා ස්වර්ණාභරණ ඇතුළු උසස් ප්රමිතියෙන් යුතු දේශීය නිෂ්පාදන රැසක් මෙම නව ශාඛාව හරහා මිලදී ගත හැකිය. නවීන තාක්ෂණය හා මෝස්තර: දේශීය නිෂ්පාදන සඳහා නවීන මෝස්තර සහ තාක්ෂණය මුසු කරමින් ජාත්යන්තර ප්රමිතීන්ට අනුකූලව හස්ත කර්මාන්ත ක්ෂේත්රය නංවාලීමට ශ්රී ලංකා හස්ත කර්මාන්ත මණ්ඩලය සහ ලංකා මෝස්තර මධ්යස්ථානය කටයුතු කරන බව එම ආයතනවල ප්රධානීන් මෙහිදී අවධාරණය කළහ.
මෙම අවස්ථාවට හස්ත කර්මාන්ත මණ්ඩලයේ සභාපතිනි සුජීවා සේනානායක මහත්මිය, ලංකා මෝස්තර මධ්යස්ථානයේ සභාපති සිසිර අමරබන්දු මහතා ඇතුළු අමාත්යාංශ නිලධාරීන් පිරිසක් සහභාගී වූහ.
