ධවල මන්දිර කාර්ය මණ්ඩල ප්රධානී සුසී වයිල්ස් (Susie Wiles) හට පියයුරු පිළිකාවක් වැළඳී ඇති බව ජනාධිපති ඩොනල්ඩ් ට්රම්ප් අද (16) නිවේදනය කිරීමත් සමඟ, ඇයගේ සෞඛ්ය පුරුදු සහ නින්දේ කාලසීමාව පිළිබඳව මීට සතියකට පෙර පළ වූ සමාජ මාධ්ය සටහනක් නැවතත් කරළියට පැමිණ තිබේ.
සුසී වයිල්ස් දිනකට නිදාගනු ලබන්නේ පැය 4ක් පමණක් බවට පළ වූ තොරතුරු සම්බන්ධයෙන් බොහෝ දෙනා අවධානය යොමු කර ඇති අතර, පිළිකා ප්රතිකාර ලබන කාලසීමාව තුළ ඇය සිය සෞඛ්යය පිළිබඳව වැඩි සැලකිල්ලක් දැක්විය යුතු බවට පාර්ශව රැසක් අදහස් දක්වා ඇත. ධවල මන්දිර කාර්ය මණ්ඩල ප්රධානී ධුරයට පත් වූ ප්රථම කාන්තාව වන ඇය, ප්රතිකාර ලබන අතරතුර ද සිය රාජකාරි අඛණ්ඩව ඉටු කිරීමට තීරණය කර තිබේ.
ඇයගේ රෝගී තත්ත්වය මුල් අවධියේ පවතින බැවින් පූර්ණ සුවය ලැබීමේ ඉහළ හැකියාවක් පවතින බව ජනාධිපති ට්රම්ප් ප්රකාශ කර ඇත. ඇය ප්රතිකාර සඳහා යොමු වන අතරතුරම ධවල මන්දිරයේ පූර්ණ කාලීනව රැඳී සිටීම පිළිබඳව තමා සතුටු වන බව ද ජනාධිපතිවරයා වැඩිදුරටත් සඳහන් කළේය.
