කිරිබත්ගොඩ විහාරමහා දේවි බාලිකා විද්යාලයට දැරියන් දෙදෙනකු ඇතුළත් කිරීම සඳහා එම විද්යාලයේ විදුහල්පතිනිය ලෙස පෙනී සිටිමින් කූට ලේඛන සකස් කළ වරාය සේවකයකුට මහර අංක 02 අධිකරණය මගින් සිර දඬුවම් නියම කර තිබේ. වරද පිළිගත් සැකකරුට රුපියල් තුන් දහසක දඩ මුදලක් සහ වසර 10 කට අත්හිටුවූ, මාස 16 ක බරපතළ වැඩ සහිත සිර දඬුවමක් මෙලෙස නියම විය.
කඩවත, මහර ප්රදේශයේ පදිංචි 29 හැවිරිදි මෙම පුද්ගලයාට එරෙහිව අන් අයකු ලෙස පෙනී සිටීම, කූට ලේඛන සකස් කිරීම සහ මුදල් වංචා කිරීම යන චෝදනා ගොනු කර තිබුණි. මහර අතිරේක මහෙස්ත්රාත් බණ්ඩාර ඉලංගසිංහ මහතා විසින් පසුගිය 25 වන දින මෙම නියෝගය ලබා දුන් අතර කැලණිය කොට්ඨාස විශේෂ අපරාධ විමර්ශන අංශය විසින් පැමිණිල්ල මෙහෙයවන ලදී.
