වීරඹුගෙදර පොලිස් වසමට අයත් ගෝනව, දෙමටලන්දවත්ත ප්රදේශයේ ළඳු කැලෑවක තිබී 65 හැවිරිදි කාන්තාවකගේ මළසිරුරක් ඊයේ (26) සොයාගෙන ඇති අතර එම මරණය සැකකටයුතු බව පොලිස් මූලස්ථානය පවසයි. මියගිය කාන්තාව එම ප්රදේශයේම පදිංචිකාරියක බවට හඳුනාගෙන ඇති අතර සිරුර පරීක්ෂා කිරීමේදී ඇයගේ ගෙලෙහි කුඩා ලණුවක් තිබෙනු නිරීක්ෂණය වී තිබේ. මළසිරුර අසල තිබී ඇයට අයත් බවට සැකකෙරෙන ගමන් බෑගයක් සහ මුදල් පසුම්බියක් ද පොලිසිය විසින් සොයාගෙන ඇති අතර මරණයට නිශ්චිත හේතුව මෙතෙක් අනාවරණය වී නොමැත. වීරඹුගෙදර පොලිසිය මේ පිළිබඳව වැඩිදුර විමර්ශන පවත්වන අතර මහේස්ත්රාත් පරීක්ෂණය සහ පශ්චාත් මරණ පරීක්ෂණයෙන් අනතුරුව මෙය ඝාතනයක් ද යන්න පිළිබඳව නිශ්චිත තොරතුරු අනාවරණය කර ගැනීමට නියමිතය.
