පෞද්ගලික ගොඩනැඟිල්ලක පවත්වාගෙන ගිය ‘1990 සුවසැරිය’ ගිලන් රථ සේවාවේ ප්රධාන කාර්යාලය රජයේ ගොඩනැඟිල්ලක ස්ථාපිත කිරීම හේතුවෙන් වාර්ෂිකව රුපියල් මිලියන 25ක මුදලක් රජයට ඉතිරි කර ගැනීමට හැකි වූ බව සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා පවසයි. කොළඹ 07, හෝර්ට්න් පෙදෙසේ පිහිටි නව ප්රධාන කාර්යාලය පසුගියදා (04) විවෘත කරමින් අමාත්යවරයා මේ බව සඳහන් කළේය.
2016 වසරේ සිට රාජගිරිය ප්රදේශයේ පෞද්ගලික ගොඩනැඟිල්ලක පවත්වාගෙන ගිය මෙම කාර්යාලය, රජයේ ආයතන සඳහා වැයවන අධික කුලී පිරිවැය අවම කිරීමේ වැඩපිළිවෙළ යටතේ මෙලෙස රජයේ ගොඩනැඟිල්ලක් වෙත රැගෙන ගොස් ඇත. මෙම නව කාර්යාලයේ ප්රතිසංස්කරණ කටයුතු ශ්රී ලංකා නාවික හමුදාවේ ශ්රම දායකත්වයෙන් සිදු කර තිබීම විශේෂත්වයකි.
සුවසැරිය සේවාව ආරම්භ කිරීමට පුරෝගාමී වූ ආචාර්ය හර්ෂ ද සිල්වා මහතාටත්, එවකට හිටපු අගමැතිවරයාට සහ ඉන්දීය රජයටත් අමාත්යවරයා මෙහිදී විශේෂ ස්තුතියක් පුද කළේය. දැනට ගිලන් රථ 322ක් මගින් දිනකට 1,050කට අධික සේවා වාර සංඛ්යාවක් ඉටු කරන මෙම සේවාව, 2026 වසර අවසන් වන විට රට පුරා පොලිස් ස්ථාන 400ක් දක්වා පුළුල් කිරීමට රජය සැලසුම් කර ඇත.
මෙම අවස්ථාවට ආචාර්ය හර්ෂ ද සිල්වා, සෞඛ්ය ලේකම් විශේෂඥ වෛද්ය අනිල් ජාසිංහ, ආරක්ෂක ලේකම් සම්පත් තුයියකොන්තා සහ පොලිස්පති ප්රියන්ත වීරසූරිය යන මහත්වරුන් ඇතුළු පිරිසක් එක්ව සිටියහ.
