තායිවානයේ ප්රධාන විපක්ෂය වන කූඕමින්ටෑං (KMT) පක්ෂයේ සභාපතිනී චෙං ලී-වුං (Cheng Li-wun) හෙට (07) සිට අප්රේල් 12 දක්වා චීනයේ සංචාරයක නිරත වීමට නියමිත බව විදෙස් මාධ්ය වාර්තා කරයි. බෙයිජිං පාලනය විසින් තායිවානය යළි චීනය සමඟ ඒකාබද්ධ කිරීමේ (Reunification) උත්සාහයන් දැඩි කර ඇති පසුබිමක මෙම සංචාරය සිදුවීම විශේෂත්වයකි.
මෙම සංචාරය අතරතුර ඇය චීන ජනාධිපති ෂී ජින්පින් හමුවීමට ද ඉඩ ඇති බවත්, මෙය “සාම මෙහෙයුමක්” ලෙස ඇය හඳුන්වන බවත් වාර්තා වේ. කෙසේ වෙතත්, තායිවානයේ පාලක ප්රගතිශීලී ප්රජාතන්ත්රවාදී පක්ෂය (DPP) මෙම සංචාරය විවේචනය කරමින් පවසන්නේ, චීනය විසින් තායිවානයේ ආරක්ෂක ශක්තිය දුර්වල කිරීමට දරන උත්සාහයට විපක්ෂය සහාය දෙන බවයි.
විශේෂයෙන්ම අමෙරිකානු රජයේ ද සහාය ඇතිව තායිවාන රජය ඉදිරිපත් කළ අමෙරිකානු ඩොලර් බිලියන 40ක අතිරේක ආරක්ෂක වියදම් සැලසුම, විපක්ෂය බහුතරය දරන එරට පාර්ලිමේන්තුව තුළ ප්රේරණය වී ඇති මොහොතක මෙම සංචාරය සිදුවේ. චීනය විසින් තායිවානය තම භූමියක් ලෙස සලකන අතර, මෑත කාලීනව එල්ල කරන හමුදාමය පීඩනය ද ඉහළ ගොස් ඇත.
