තම ගැටලුවලට නිසි විසඳුම් මෙතෙක් නොලැබීම හේතුවෙන් රේගු වෘත්තීය සමිති සන්ධානය ආරම්භ කළ කළු පටි පැළඳීමේ විරෝධතාව අද (26) දිනයේද අඛණ්ඩව ක්රියාත්මක කරන බව එම සන්ධානය නිවේදනය කරයි. රේගු නිලධාරීන්ගේ සංගමයේ උප සභාපති ගීතාංජන මඩපාත මහතා තහවුරු කළේ පසුගිය පෙබරවාරි 24 වැනිදා ආරම්භ කළ මෙම විරෝධතාවය, සියලු නිලධාරීන් රාජකාරි කටයුතුවල නිරත වන අතරතුර කළු පටි පැළඳ සිදු කරන බවයි. තම ඉල්ලීම් සම්බන්ධයෙන් මුදල් නියෝජ්ය අමාත්යවරයා සමඟ අද දිනයේ පැවැත්වීමට නියමිත තීරණාත්මක සාකච්ඡාවේ ප්රතිඵලය මත ඉදිරි ක්රියාමාර්ග දැඩි කරන්නේද යන්න පිළිබඳව අවසන් තීරණයක් ගන්නා බව ද වෘත්තීය සමිති සන්ධානය වැඩිදුරටත් සඳහන් කරයි.
