2023 වසරේ හයිද්රාබාද් නුවර පැවැති ෆෝමියුලා E මෝටර් රථ ධාවන තරගාවලියට අදාළව රුපියල් කෝටි 54.88ක (ඉන්දීය රුපියල්) මහජන මුදල් අවභාවිත කළ බවට චෝදනා කරමින් භාරත් රාෂ්ට්ර සමිති (BRS) පක්ෂයේ ක්රියාකාරී සභාපති K. T. රාමා රාඕ (KTR) මහතාට එරෙහිව තෙලන්ගානා දූෂණ විරෝධී කාර්යාංශය (ACB) විසින් ඊයේ (2026 මාර්තු 24) අධිචෝදනා පත්රයක් ගොනු කර තිබේ.
මෙම නඩුවේ ප්රධාන විත්තිකරු (A1) ලෙස හිටපු අමාත්යවරයා නම් කර ඇති අතර ජ්යෙෂ්ඨ IAS නිලධාරී අර්වින්ද් කුමාර්, හිටපු ප්රධාන ඉංජිනේරු B. L. N. රෙඩ්ඩි ඇතුළු පස් දෙනෙකු මෙයට ඇතුළත් වේ. විමර්ශන වාර්තාවලට අනුව කැබිනට් මණ්ඩලයේ හෝ මුදල් අමාත්යාංශයේ නිසි අනුමැතියකින් තොරව විදේශීය සමාගම් වෙත මෙම මුදල් ප්රේරණය කර ඇති බවට චෝදනා එල්ල වී ඇත. විශේෂයෙන්ම මැතිවරණ නීති (MCC) ක්රියාත්මක වෙමින් පවතින වකවානුවක මැතිවරණ කොමිසමේ අවසරයකින් තොරව පවුම් මිලියන ගණනක මුදල් බ්රිතාන්ය සමාගමකට ගෙවීම මෙහිදී ප්රධාන අවධානයට ලක්ව තිබේ.
කෙසේ වෙතත් මෙම චෝදනා ප්රතික්ෂේප කරන KTR මහතා ප්රකාශ කරන්නේ මෙය වත්මන් කොංග්රස් රජය විසින් සිදු කරන දේශපාලන පලිගැනීමක් බවයි. හයිද්රාබාද් නගරයේ ජාත්යන්තර ප්රතිරූපය නැංවීම සඳහා මෙම තරගාවලිය සංවිධානය කළ බවත් අදාළ මුදල් තවමත් සංවිධායකයින් සතුව පවතින බැවින් එහි කිසිදු දූෂණයක් සිදු නොවූ බවත් ඔහු අවධාරණය කරයි. අවශ්ය නම් තමන් බන්ධනාගාරගත වීමට පවා සූදානම් බව ඔහු වැඩිදුරටත් මාධ්ය වෙත පවසා තිබේ.
