ටෙස්ලා සමාගම විසින් හඳුන්වා දී ඇති ‘Full Self-Driving (FSD) Supervised’ නමැති ස්වයංක්රීය රිය ධාවන පද්ධතිය නෙදර්ලන්තයේ මහා මාර්ග සහ නගර ආශ්රිතව භාවිතා කිරීමට එරට රෙගුලාසි බලධාරීන් (RDW) අනුමැතිය ලබා දී තිබේ. යුරෝපීය රටක් මෙවැනි අනුමැතියක් ලබා දුන් පළමු අවස්ථාව මෙය වන අතර, මෙය ටෙස්ලා සමාගමේ ව්යාපාරික වර්ධනයට ඉතා වැදගත් සන්ධිස්ථානයකි.
මාස 18කට අධික කාලයක් සිදු කළ පරීක්ෂණ සහ විශ්ලේෂණවලින් පසුව මෙම අනුමැතිය ලබා දී ඇති අතර, මෙම පද්ධතිය නිවැරදිව භාවිතා කිරීම මාර්ග ආරක්ෂාවට ධනාත්මක දායකත්වයක් සපයන බව නෙදර්ලන්ත බලධාරීන් පවසයි. මෙම තාක්ෂණය යුරෝපා සංගමය පුරා ව්යාප්ත කිරීම සඳහා වන යෝජනාව ද ඉදිරියේදී යුරෝපීය කොමිසම වෙත ඉදිරිපත් කිරීමට නියමිතය.
ටෙස්ලා සමාගම මෙම තාක්ෂණය සඳහා මූලික වශයෙන් කැමරා සහ කෘතිම බුද්ධිය (AI) භාවිතා කරන අතර, එය අනෙකුත් සමාගම් භාවිතා කරන සංවේදක පද්ධතිවලට වඩා වෙනස් ක්රමයකි. මෙම අනුමැතියත් සමඟ නෙදර්ලන්තයේ සිටින ටෙස්ලා රථ හිමියන් 100,000 කට පමණ මෙම පහසුකම භාවිතා කිරීමට අවස්ථාව හිමිවනු ඇත.
