මැදපෙරදිග පවතින උග්ර ගැටුම්කාරී වාතාවරණය හේතුවෙන් හටගෙන ඇති බලශක්ති හිඟයට පිළියමක් ලෙස තායිලන්තයේ රාජ්ය නිලධාරීන්ට නිවසේ සිට රාජකාරි කරන ලෙස එරට අග්රාමාත්ය අනූටින් චාන්විරාකුල් මහතා අද (10) නියෝග කර තිබේ. තායිලන්තයේ බලශක්ති අවශ්යතාවයෙන් 68%ක්ම ස්වභාවික වායුවලින් සපුරා ගන්නා පසුබිමක එරට සතුව පවතින්නේ තවත් දින 95කට පමණක් සෑහෙන බලශක්ති සංචිතයක් බව බලශක්ති අමාත්යාංශය පෙන්වා දෙයි. මෙම අර්බුදයෙන් ගොඩ ඒම සඳහා විදේශ සංචාර අත්හිටුවීම, විදුලි සෝපාන වෙනුවට පඩිපෙළ භාවිතය සහ අත්යවශ්ය සේවා හැර සෙසු පිරිස නිවසේ සිට වැඩ කිරීම වැනි දැඩි සීමා පැනවීමට රජය පියවර ගෙන ඇති අතර තත්ත්වය තවදුරටත් උග්ර වුවහොත් රාත්රී 10 වන විට පිරවුම්හල් වසා දැමීම වැනි අනිවාර්ය නීති පැනවීමට ද තායිලන්ත රජය සලකා බලමින් සිටී.
