2002 වසරේදී තණමල්විල ප්රදේශයේ සිදුවූ අතිශය කනගාටුදායක පංච පුද්ගල ඝාතන සිද්ධියක් සම්බන්ධයෙන් වරදකරුවන් වූ පුද්ගලයන් දෙදෙනෙකුට මොනරාගල මහාධිකරණය විසින් අද (2026 මාර්තු 26) මරණ දඬුවම නියම කරන ලදී.
මෙම අපරාධය සිදුවූයේ 2002 ජුනි මස 06 වැනිදා තණමල්විල, කිතුල්කොටේ ප්රදේශයේදීය. එහිදී ටී-56 ගිනිඅවි සහ බෝර 12 තුවක්කු භාවිතා කරමින් එල්ල කළ වෙඩි ප්රහාරයකින් 13 හැවිරිදි දැරියක ඇතුළු පස්දෙනෙකු ජීවිතක්ෂයට පත්විය. අපරාධ පරීක්ෂණ දෙපාර්තමේන්තුව (CID) විසින් සිදුකළ දීර්ඝ විමර්ශනවලින් අනතුරුව මොනරාගල මහාධිකරණය හමුවේ මෙම නඩුව විභාගයට ගැනුණි.
මරණ දඬුවම නියම වූ වරදකරුවන් වන්නේ තණමල්විල පදිංචි ගමගේ බංදුල හරිස්චන්ද්ර සහ සූරියවැව පදිංචි රුවන් ප්රසන්න යන පුද්ගලයන් දෙදෙනාය. ඔවුන්ට එරෙහිව එල්ල වී තිබූ අධිචෝදනා සාධාරණ සැකයකින් තොරව ඔප්පු වීම නිසා මෙම තීන්දුව ප්රකාශයට පත් කෙරිණි.
