ගල් අඟුරු ගෙන්වීම හේතුවෙන් රජයට සිදුවී ඇති සෘජු මූල්ය අලාභය ගණනය කිරීමට පත්කළ කමිටුවට හැකියාව ලැබුණද, එමගින් සිදුවූ අතිවිශාල ‘වක්ර පාඩුව’ ගණනය කිරීමට එම කමිටුවට නොහැකි වී ඇති බව පේරාදෙණිය විශ්ව විද්යාලයේ මහාචාර්ය ප්රසන්න පෙරේරා මහතා අවධාරණය කරයි.සමගි ජන බලවේගයේ ප්රධාන කාර්යාලයේ පැවැති මාධ්ය හමුවකට එක්වෙමින් මහාචාර්යවරයා මේ බව සඳහන් කළේය.ගල් අඟුරු වංචාවේ සැඟවුණු පාඩුවප්රමිතියෙන් තොර ගල්අඟුරු ගෙන්වීම හරහා මේ වන විට රුපියල් බිලියන 8ක පමණ සෘජු මූල්ය පාඩුවක් ගණනය කර ඇතත්, සැබෑ පාඩුව ඊට වඩා බොහෝ සෙයින් ඉහළ බව මහාචාර්යවරයා පෙන්වා දෙයි. විදුලි ජනනය සඳහා වැය වන අමතර ගල් අඟුරු ප්රමාණය, ලක් විජය බලාගාරයේ ඇතිවිය හැකි යාන්ත්රික දෝෂ සහ අලුත්වැඩියා පිරිවැය, පරිසර දූෂණය, අඛණ්ඩ විදුලි සැපයුම බිඳ වැටීමෙන් ආර්ථිකයට වන හානිය වැනි කරුණු මෙම වක්ර පාඩුවට අයත් වේ.මෙම සංකීර්ණ වක්ර පිරිවැය ගණනය කිරීම සඳහා වත්මන් කමිටුවට ප්රමාණවත් දැනුමක් නොමැති බව පවසන මහාචාර්යවරයා, ඒ සඳහා ජනාධිපතිවරයාට සහාය දුන් රුහුණ විශ්ව විද්යාලයේ ආර්ථික විද්යාඥයින් මෙම කමිටුවට ඇතුළත් කරන ලෙස සමගි ජනබලවේගය වෙනුවෙන් ඉල්ලා සිටියේය.විනාශකාරී බදු ප්රතිපත්තිය සහ ආර්ථික බිඳ වැටීමවත්මන් රජයේ බදු ප්රතිපත්තිය ‘විනාශකාරී බදු ප්රතිපත්තියක්’ බව හියුමන් රයිට්ස් වොච් (Human Rights Watch) සංවිධානය පවා පෙන්වා දී ඇති බව මහාචාර්ය ප්රසන්න පෙරේරා මහතා සඳහන් කළේය. වැට් බද්ද 18%ක්, සමාගම් බද්ද 30%ක් සහ උපයනවිට ආදායම් බද්දේ (PAYE) ඉහළ සීමාව 36%ක් ලෙස පවත්වාගෙන යාම නිසා ශ්රම සැපයුම සීමා වී ඇති අතර සමාගම්වල රැකියා උත්පාදනය අඩාල වී ඇත.කර්මාන්ත බිඳවැටීම සහ රැකියා අර්බුදයඉහළ බදු බර හේතුවෙන් මේ වන විට සුළු හා මධ්ය පරිමාණ කර්මාන්ත 30ක් පමණ වැසී ගොස් ඇති අතර, 2023 වසරේදී පමණක් කර්මාන්ත අංශයේ රැකියා 15.1%කින් අහිමි වී ඇති බව වාර්තා වේ. එසේම ඉහළ නිපුණතාවයක් සහිත වෘත්තිකයින් රට හැර යාම රටේ අනාගතයට විශාල තර්ජනයක් වී තිබේ.අපනයන සේවා මත පනවා ඇති 15%ක බද්ද හේතුවෙන් දැනුම කේන්ද්රීය ව්යාපාර (BPO/KPO) අඩාල වී ඇති බවත්, එමගින් 2025 දී ඩොලර් බිලියන 3ක් උපයා ගැනීමේ ඉලක්කය බොඳ වී ඇති බවත් ඔහු පෙන්වා දුන්නේය.රජය වහාම සංඛ්යා ලේඛනවලින් ඔබ්බට ගොස් යථාර්ථය තේරුම් ගනිමින්, හානිකර බදු ඉවත් කර ජාතික ආර්ථිකය ශක්තිමත් කිරීමට පියවර ගත යුතු බව මහාචාර්යවරයා වැඩිදුරටත් අවධාරණය කළේය.
