තොරතුරු දැනගැනීමේ අයිතිවාසිකම පිළිබඳ කොමිෂන් සභාවේ (RTIC) මෙහෙයුම් කටයුතු වඩාත් කාර්යක්ෂම කිරීම සඳහා එහි සමස්ත ක්රියාවලිය ඩිජිටල්කරණය කිරීමට රජය තීරණය කර තිබේ. සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා ඉදිරිපත් කළ මෙම යෝජනාවට අමාත්ය මණ්ඩල අනුමැතිය හිමි වූ අතර දැනට පවතින තාක්ෂණික සීමාවන් හේතුවෙන් අභියාචනා විභාග කිරීම ඇතුළු සියලු කටයුතු ලේඛනගතව සිදු කිරීමේදී ඇති වන ප්රමාදයන් මඟහරවා ගැනීම මෙහි ප්රධාන අරමුණයි.
මෙම ව්යාපෘතිය සඳහා ලෝක බැංකු නිර්දේශ මත ඇමරිකානු එක්සත් ජනපදයේ “විවෘත සමාජ පදනම” (Open Society Foundations) මඟින් ඇමරිකානු ඩොලර් 200,000 ක ප්රදානයක් ලබා දීමට එකඟතාව පළ කර ඇත. මෙම මූල්ය ප්රතිපාදන ඩිජිටල් උපාංග මිලදී ගැනීම, නව මෘදුකාංග සංවර්ධනය, විශේෂඥ දැනුම ලබා ගැනීම සහ වත්මන් කාර්ය මණ්ඩලයේ ධාරිතා සංවර්ධනය සඳහා යොදා ගැනීමට සැලසුම් කර තිබේ. මෙම නවීකරණය හරහා අභියාචනා විභාග කිරීමේ ක්රියාවලිය වේගවත් වන අතර මහජනතාවට තොරතුරු ලබා ගැනීමේ අයිතිය වඩාත් විනිවිදභාවයකින් සහ පහසුවකින් යුතුව භුක්ති විඳීමට අවස්ථාව සැලසේ.
