මාතර සහ දමන ප්රදේශවල සිදුවූ දරුණු රිය අනතුරු දෙකකින් පුද්ගලයන් තිදෙනෙකු මියගොස් ඇති බව පොලීසිය වාර්තා කරයි. දමන පොලිස් වසමේ පැමිණිගම ප්රදේශයේදී යතුරුපැදියක් ලොරි රථයක ගැටීමෙන් සිදුවූ අනතුරකින් 20 සහ 22 හැවිරිදි වියේ පසුවූ අක්කරයිපත්තුව ප්රදේශයේ පදිංචි තරුණයන් දෙදෙනෙකු ජීවිතක්ෂයට පත්ව ඇත. අනතුරින් තුවාල ලැබූ ලොරි රථයේ රියදුරු මේ වන විට අම්පාර රෝහලේ ප්රතිකාර ලබමින් සිටියි.
මේ අතර, මාතර මඩිහ ප්රදේශයේදී යතුරුපැදියක් පාලනය කරගත නොහැකිව තාප්පයක ගැටීමෙන් 40 හැවිරිදි පුද්ගලයෙකු එම ස්ථානයේදීම මියගොස් තිබේ. මියගිය පුද්ගලයා කෝට්ටගොඩ ප්රදේශයේ පදිංචිකරුවෙකු බව හඳුනාගෙන ඇත. පවතින වර්ෂා සහිත කාලගුණය හේතුවෙන් මාර්ග ලිස්සා යාමේ අවදානමක් පවතින බැවින්, රිය පැදවීමේදී වඩාත් විමසිලිමත් වන ලෙස පොලීසිය රියදුරන්ගෙන් ඉල්ලා සිටියි.
