QR කේත ක්රමය යටතේ දැනට ලබාදෙන ඉන්ධන කෝටාව තමන්ගේ දෛනික ජීවනෝපාය පවත්වාගෙන යාමට කිසිසේත්ම ප්රමාණවත් නොවන බව පවසමින් ත්රිරෝද රථ රියදුරන් රජයට දැඩි විරෝධය පළ කර සිටියි. දැනට සතියකට ලබාදෙන ලීටර් 15 ක ඉන්ධන ප්රමාණය වෙනුවට එය අවම වශයෙන් ලීටර් 35 දක්වා ඉහළ නැංවිය යුතු බව ත්රිරෝද රථ සංගම් නියෝජිතයෝ අවධාරණය කරති. මෙම ඉල්ලීම ඉටු නොවන්නේ නම් ඉදිරි දිනවලදී ජනාධිපති ලේකම් කාර්යාලය ඉදිරිපිට දැවැන්ත විරෝධතාවක් ආරම්භ කරන බවට ද ඔවුහු අනතුරු අඟවති.
මේ අතර පාසල් ප්රවාහන සේවා සපයන්නන් සහ පෞද්ගලික බස් රථ හිමියන් ද පවතින ඉන්ධන සීමාවන් පිළිබඳව බරපතල කනස්සල්ල පළ කර සිටිති. පාසල් බස් රථ සඳහා ලබාදෙන ලීටර් 60 ක ඩීසල් කෝටාව අවම වශයෙන් ලීටර් 100 දක්වා වැඩි කළ යුතු බව පාසල් වෑන් සහ බස් රථ සංගම් පෙන්වා දෙයි. ඉන්ධන සලාකය වැඩි නොකළහොත් ඉදිරියේදී බස් රථ ධාවනය සීමා කිරීමට සිදුවන බවත්, එමගින් පොදු ප්රවාහන සේවාව දැඩි අර්බුදයකට ලක්වනු ඇති බවත් පෞද්ගලික බස් රථ හිමියන් රජයට පෙන්වා දී තිබේ.
