චීනයේ විශ්වවිද්යාලයක වෛද්ය විද්යාව හදාරන ශ්රී ලාංකික සිසුවියකගේ නිරුවත් ඡායාරූප සහ වීඩියෝ දර්ශන අන්තර්ජාලය හරහා ප්රචාරය කළ බවට සැකපිට අත්අඩංගුවට ගත් ටයිල් නිෂ්පාදන සමාගමක සේවකයෙකු ලබන 27 වැනිදා දක්වා රිමාන්ඩ් භාරයේ තැබීමට කොළඹ ප්රධාන මහෙස්ත්රාත් අසංග බෝදරගම මහතා ඊයේ (17) නියෝග කළේය. මහරගම, නාවින්න ප්රදේශයේ පදිංචි අදාළ තරුණිය විසින් අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන අංශය වෙත කරන ලද පැමිණිල්ලකට අනුව මෙම අත්අඩංගුවට ගැනීම සිදු කර ඇත.
අපරාධ පරීක්ෂණ දෙපාර්තමේන්තුවේ නිලධාරීන් අධිකරණයට දන්වා සිටියේ සැකකරු විසින් අදාළ දර්ශන සූක්ෂම අයුරින් ලබාගෙන සාමාජිකයන් 8,000ක් පමණ සිටින ටෙලිග්රෑම් (Telegram) සමූහයක ප්රචාරය කර ඇති බවයි. මෙම සිදුවීම සම්බන්ධයෙන් වැඩිදුර විමර්ශන සිදුකරන බැවින් සැකකරු රිමාන්ඩ් භාරයේ තබන ලෙස කළ ඉල්ලීමට මහෙස්ත්රාත්වරයා අවසර ලබා දුන්නේය. අන්තර්ජාලය හරහා සිදුවන මෙවැනි බරපතළ ලිංගික අපරාධ මැඩලීම සඳහා අපරාධ පරීක්ෂණ දෙපාර්තමේන්තුවේ අන්තර්ජාල ආවේක්ෂණ හා බුද්ධි ඒකකය දැඩි අවධානයෙන් පසුවන බවද මෙහිදී අනාවරණය විය.
