නීතියේ පිළිසරණ අපේක්ෂාවෙන් පැමිණෙන සියලු දෙනාට කිසිදු භේදයකින් තොරව සමානව සැලකීම නීති නිලධාරීන්ගේ මූලික වගකීමක් බව අධිකරණ සහ ජාතික ඒකාබද්ධතා අමාත්ය නීතිඥ හර්ෂණ නානායක්කාර මහතා අවධාරණය කරයි. ශ්රී ලංකා නීති ආධාර කොමිෂන් සභාව යටතේ දිවයින පුරා සේවය කරන නීති නිලධාරීන්ගේ ධාරිතාව වැඩිදියුණු කිරීම සඳහා කොළඹ සංවර්ධන පරිපාලන ආයතන ශ්රවණාගාරයේදී පැවැති පුහුණු වැඩමුළුවකට සහභාගී වෙමින් අමාත්යවරයා මේ බව සඳහන් කළේය.
විශේෂයෙන්ම මූල්ය අපහසුතාවලින් පසුවන ජනතාව නීති ආධාර අපේක්ෂාවෙන් පැමිණෙන විට, ඔවුන්ගේ ගැටලු දයාව සහ කරුණාව පෙරදැරිව අවබෝධ කරගත යුතු බව ඔහු පෙන්වා දුන්නේය. යම් පුද්ගලයෙකුට පවතින ගැටලුව අනෙක් අයට සාමාන්ය දෙයක් සේ පෙනුනත්, එය එම පුද්ගලයාට පවතින විශාලතම ප්රශ්නය විය හැකි බැවින්, ඒ සඳහා උපරිම සහාය ලබාදීමට නීති නිලධාරීන් කැපවිය යුතු බව අමාත්යවරයා වැඩිදුරටත් පැවසීය.
