ඉරානයට එරෙහිව දියත් කර ඇති “ඔපරේෂන් එපික් ෆියුරි” (Operation Epic Fury) හමුදා මෙහෙයුම අතරතුරදී අමෙරිකානු හමුදා භටයින් තිදෙනෙකු ජීවිතක්ෂයට පත්ව ඇති බව අමෙරිකානු ජනාධිපති ඩොනල්ඩ් ට්රම්ප් නිල වශයෙන් තහවුරු කර තිබේ. මෙම ගැටුම්වලදී තවත් භටයින් පස්දෙනෙකු බරපතල තුවාල ලබා ඇති බව ද විදෙස් මාධ්ය වාර්තා කරයි.
මෙම මරණ සම්බන්ධයෙන් සිය කනගාටුව පළ කර ඇති ජනාධිපතිවරයා, සිය රට වෙනුවෙන් උපරිම කැපවීම කළ එම වීරෝදාර භටයින්ගේ පරිත්යාගය අපතේ නොයන බව අවධාරණය කර ඇත. ඉරානයේ ප්රධාන මිලිටරි ඉලක්ක දහසකට අධික ප්රමාණයකට අමෙරිකාව ප්රහාර එල්ල කරමින් සිටින පසුබිමක, මෙම භටයින් මියගොස් ඇත්තේ ඉරාන ප්රතිප්රහාරයක් හේතුවෙන් ද නැතහොත් මෙහෙයුම් අතරතුර සිදුවූ අනතුරකින් ද යන්න පිළිබඳව මෙතෙක් නිශ්චිත තොරතුරු අනාවරණය කර නොමැත. කෙසේ වෙතත්, තම භටයින්ගේ ජීවිත අහිමි වීමට එරෙහිව ඉරානයට දැඩි ප්රතිවිපාකවලට මුහුණ දීමට සිදුවනු ඇති බවට ට්රම්ප් පරිපාලනය අනතුරු අඟවා තිබේ.
