ඇමරිකානු ස්වදේශ ආරක්ෂක දෙපාර්තමේන්තුවේ මූල්ය ප්රතිපාදන සම්බන්ධයෙන් සෙනෙට් සභාවේ රිපබ්ලිකන් සහ ඩිමොක්රටික් පාර්ශවයන් අතර පවතින දැඩි මතභේදාත්මක තත්ත්වය හමුවේ, හෙට (මාර්තු 23) සිට එරට ප්රධාන ගුවන් තොටුපළවල් වෙත ICE (Immigration and Customs Enforcement) නියෝජිතයින් යෙදවීමට ජනාධිපති ඩොනල්ඩ් ට්රම්ප් තීරණය කර තිබේ. ස්වදේශ ආරක්ෂක දෙපාර්තමේන්තුවේ ප්රතිපාදන අත්හිටුවීම නිසා ගුවන් තොටුපළ ආරක්ෂක නිලධාරීන්ට වැටුප් ගෙවීමට නොහැකි වී ඇති අතර, බොහෝ නිලධාරීන් සේවයට වාර්තා නොකිරීම නිසා ගුවන් තොටුපළවල දැඩි පෝලිම් සහ ප්රමාදයන් හටගෙන ඇත.
ට්රම්ප් පවසන්නේ ඩිමොක්රටික් පාර්ශවය ආරක්ෂක වැඩපිළිවෙළට බාධා කරන්නේ නම් ගුවන් තොටුපළ ආරක්ෂාව සඳහා ICE නියෝජිතයින් යොදවන බවයි. එහිදී නීතිවිරෝධී සංක්රමණිකයන් වහාම අත්අඩංගුවට ගැනීම කෙරෙහි දැඩි අවධානයක් යොමු කරන ලෙස ඔහු උපදෙස් දී තිබේ. සංක්රමණික නීති දැඩි කළ යුතු බවට රිපබ්ලිකන් පාර්ශවය පවසන අතර, ICE ආයතනයට ලබාදෙන අරමුදල් සීමා කර ප්රතිසංස්කරණ සිදු කළ යුතු බවට ඩිමොක්රටික් පාර්ශවය බලකර සිටියි. මෙම තත්ත්වය හමුවේ හෙට සිට ගුවන් තොටුපළවල ආරක්ෂක මෙහෙයුම් සම්පූර්ණයෙන්ම වෙනස් වනු ඇති බවට ට්රම්ප් සිය ‘Truth Social’ ගිණුම හරහා අනතුරු අඟවා ඇත.
