ඇමෙරිකානු ජනාධිපති ඩොනල්ඩ් ට්රම්ප්, ඉරානයට එරෙහිව ක්රියාත්මක හමුදා මෙහෙයුම් අවසන් කිරීමට සූදානම් බව සිය උපදේශකයන්ට දන්වා ඇතැයි වෝල් ස්ට්රීට් ජර්නල් (The Wall Street Journal) පුවත්පත වාර්තා කරයි. ඇමෙරිකා-ඉරාන යුද්ධය සති හතරක් ඉක්මවා ගොස් ඇති පසුබිමක, ලෝක වෙළඳාමට අතිශය වැදගත් වන හෝමූස් සමුද්ර සන්ධිය (Strait of Hormuz) තවදුරටත් වසා දමා තිබියදී වුවද මෙම තීරණය ගැනීමට ජනාධිපතිවරයා කැමැත්ත පළ කර තිබේ.
මෙමඟින් එම වැදගත් මුහුදු මාර්ගයේ පාලනය තවදුරටත් තෙහෙරානය සතු වීමේ ඉඩකඩ පවතින අතර එය යළි විවෘත කිරීමේ සංකීර්ණ මෙහෙයුම පසුකාලීන පියවරක් දක්වා කල් තැබීමට ඉඩ ඇත. ජනාධිපති ට්රම්ප්ගේ අදහස වී ඇත්තේ බලහත්කාරයෙන් එම මුහුදු සන්ධිය විවෘත කිරීමට යාමෙන් යුද්ධය තවත් සති කිහිපයකට ඇදී යා හැකි බවයි. ඒ වෙනුවට ඉරාන නාවික හමුදාව දුර්වල කිරීම සහ ඔවුන්ගේ මිසයිල ගබඩා විනාශ කිරීමේ මූලික අරමුණු ඉටු කර ගැනීමෙන් පසු සක්රීය යුද ගැටුම් අවම කර රාජ්ය තාන්ත්රික පීඩනය යෙදවීමට ඇමෙරිකාව සැලසුම් කරමින් සිටින බව එම වාර්තාවේ වැඩිදුරටත් සඳහන් වේ.
