තම කැබිනට් මණ්ඩලයේ සාමාජිකයින් කිහිපදෙනෙකු සඳහා තමන් කැමතිම සන්නාමයකින් (Brand) සපත්තු මිලදී ගෙන තෑගි දුන් බව ඇමරිකානු ජනාධිපති ඩොනල්ඩ් ට්රම්ප් ඊයේ (මාර්තු 13) සනාථ කළේය. ‘වෝල් ස්ට්රීට් ජර්නල්’ පුවත්පත මුලින්ම අනාවරණය කළ මෙම අපූරු පුවතට අනුව, ට්රම්ප් විසින් ඩොලර් 145ක් වටිනා ‘Florsheim’ වර්ගයේ සපත්තු යුගල මෙලෙස පරිත්යාග කර ඇත.
ෆොක්ස් රේඩියෝ (Fox Radio) සමඟ පැවැති සම්මුඛ සාකච්ඡාවකදී ඒ පිළිබඳව අදහස් දක්වමින් 79 හැවිරිදි ට්රම්ප් ප්රකාශ කළේ, වසර ගණනාවක් තිස්සේ ඇතැම් නිලධාරීන් සුවපහසු නොවන සහ නුසුදුසු සපත්තු පැළඳ ඇවිදිනු තමා දුටු බවයි. “එය ලස්සන සපත්තුවක්. යමෙකුට සපත්තු සම්බන්ධයෙන් ගැටලුවක් ඇති බව පැවසූ විට, ‘මම ඔබට සපත්තු යුගලක් ගෙනත් දෙන්නම්’ යැයි පැවසීම මට විනෝදයක්” යනුවෙන් ට්රම්ප් එහිදී පැවසීය.
විශේෂත්වය වන්නේ ඇතැම් අවස්ථාවලදී අදාළ නිලධාරීන් ඉදිරියේදීම ඔවුන්ගේ සපත්තු ප්රමාණය (Size) නිවැරදිව අනුමාන කිරීමට ද ට්රම්ප් සමත් වීමයි. “දැන් ඔවුන් ඉතාමත් පිළිවෙළට සහ අලංකාරව පෙනෙනවා. එය ඩොනල්ඩ් ට්රම්ප්ගෙන් ලැබුණු තෑග්ගක්” යැයි ඔහු වැඩිදුරටත් සඳහන් කළේය. මෙම ක්රියාව හරහා සිය කැබිනට් මණ්ඩලයේ වෘත්තීය පෙනුම ඉහළ නැංවීමට ට්රම්ප් උත්සාහ කර ඇති බව දේශපාලන විචාරකයෝ පවසති.
