ඉරාන යුද කලාපයේදී සතුරන් අතට පත්වීමට ගිය ඇමෙරිකානු ගුවන් නියමුවෙකු බේරා ගැනීම සඳහා පසුගිය පාස්කු සති අන්තයේ ක්රියාත්මක වූ සුවිශේෂී හමුදා මෙහෙයුම සිය පාලනයේ විශාල ජයග්රහණයක් ලෙස හුවා දැක්වීමට ඇමෙරිකානු ජනාධිපති ඩොනල්ඩ් ට්රම්ප් ඊයේ (06) කටයුතු කළේය ධවල මන්දිරයේ පැවැති විශේෂ මාධ්ය හමුවකදී ජනාධිපතිවරයා මෙම අවදානම් සහගත මෙහෙයුම “දේව ආශිර්වාදය ලත් හමුදා ජයග්රහණයක්” ලෙස හඳුන්වා දුන් අතර එමඟින් සති පහක් පුරා පවතින ඉරාන යුද්ධය සම්බන්ධයෙන් ඇමෙරිකානු ජනතාව තුළ පවතින අප්රසාදය සමනය කිරීමට ඔහු උත්සාහ කළේය
ඉරානය තුළ දින දෙකක් සැඟව සිටි තුවාල ලැබූ ගුවන් නියමුවා බේරා ගැනීම සඳහා හමුදා භටයන් සිය ගණනක් එක්වූ අයුරු සහ කඳුකර ප්රදේශ හරහා සිදුකළ දුෂ්කර මෙහෙයුමේ තොරතුරු ජනාධිපතිවරයා මෙහිදී විස්තර කළේය ඇතැම් හමුදා නිලධාරීන් මෙම මෙහෙයුම අනතුරුදායක බව පවසමින් එය වැළැක්වීමට උත්සාහ කළ ද තමන් ගත් තීරණය නිවැරදි බව ඔහු අවධාරණය කළේය කෙසේ වෙතත් ඉරානයට එරෙහිව සිදුකරන මෙම බෝම්බ ප්රහාර මාලාව සම්බන්ධයෙන් සහ ජනාධිපතිවරයාගේ මානසික සෞඛ්යය පිළිබඳව ද මාධ්යවේදීන් මෙහිදී ප්රශ්න කළ අතර ඔහු ඒ සියල්ල ප්රතික්ෂේප කරමින් තමා විවේචකයන් ගැන තැකීමක් නොකරන බව පැවසීය
සාකච්ඡා මාර්ගයෙන් යුද්ධය අවසන් කිරීමට පවතින ප්රමාදය සහ ඇමෙරිකාවේ මිත්ර රටවල් මෙම ගැටුමේදී සහාය නොදැක්වීම පිළිබඳව ද ජනාධිපති ට්රම්ප් සිය දැඩි කළකිරීම පළ කළේය හෝමුස් සමුද්ර සන්ධිය අවහිර වීම නිසා ලෝක බලශක්ති සැපයුමට එල්ල වී ඇති බලපෑම හමුවේ යුද්ධය තවදුරටත් උග්ර කරන්නේද නැතහොත් අවසන් කරන්නේද යන්න පිළිබඳව ඔහු නිශ්චිත පිළිතුරක් ලබා දුන්නේ නැත ඉරානය මේ වන විට හමුදාමය වශයෙන් පරාජයට පත්ව ඇති බවත් ඇමෙරිකාව ජයග්රහණය කර ඇති බවත් පවසමින් ඔහු මාධ්ය හමුව අවසන් කළේය
