ඉරානය සමඟ පවතින යුදමය තත්ත්වය සම්බන්ධයෙන් අතිශය තීරණාත්මක ප්රකාශයක් සිදු කරමින් ඇමරිකානු ජනාධිපති ඩොනල්ඩ් ට්රම්ප් සඳහන් කර ඇත්තේ ඉරානයේ සෑම මට්ටමකම නායකයින් මේ වන විට ඝාතනය කර අවසන් බවයි. එමෙන්ම තමන්ට කිසිදු ආකාරයක සටන් විරාමයක් අවශ්ය නොවන බව ද ඔහු දැඩිව අවධාරණය කර තිබේ. ඉලක්කගත ප්රහාර මගින් ඉරාන පාලන තන්ත්රයේ ප්රබලයින් ඉවත් කිරීමට ඇමරිකානු හමුදා සමත්ව ඇති බව පෙන්වා දෙන ජනාධිපතිවරයා, මෙම යුද මෙහෙයුම් තමන් බලාපොරොත්තු වූ අරමුණු කරා ළඟා වෙමින් පවතින බව ද පවසා ඇත. ජාත්යන්තර ප්රජාව සටන් විරාමයක් සඳහා බලපෑම් කරමින් සිටින මොහොතක ට්රම්ප් ජනාධිපතිවරයාගේ මෙම සෘජු ප්රකාශය මැදපෙරදිග කලාපයේ උණුසුම තවදුරටත් වර්ධනය කිරීමට හේතු වී තිබේ.
