තමාගේ මැදිහත් වීම සිදු නොවන්නට ඉන්දියාව සහ පාකිස්ථානය අතර ඇති වීමට ගිය න්යෂ්ටික යුද්ධයකින් මිනිස් ජීවිත මිලියන 35ක් පමණ අහිමි වීමට ඉඩ තිබූ බව අමෙරිකානු ජනාධිපති ඩොනල්ඩ් ට්රම්ප් ප්රකාශ කර සිටියි. අමෙරිකානු කොංග්රසය අමතමින් විශේෂ දේශනයක් සිදු කළ ජනාධිපතිවරයා සඳහන් කළේ, පාකිස්තාන අගමැති ෂෙබාස් ෂරීෆ් පවා තමන් සමඟ එම කරුණ තහවුරු කළ බවයි. තමා බලයට පත්ව ගතවූ මුල් මාස 10 තුළ ලොව පුරා පැවති යුධමය තත්ත්වයන් 08ක් සාර්ථකව අවසන් කිරීමට තමාට හැකි වූ බවත්, ඉන්දු – පාකිස්ථාන න්යෂ්ටික ගැටුම වැළැක්වීම ඉන් ප්රධාන ජයග්රහණයක් බවත් ඔහු වැඩිදුරටත් කියා සිටියේය.
මීට අමතරව, රුසියාව සහ යුක්රේනය අතර පවතින 9 වන යුද්ධය අවසන් කිරීම සඳහා මේ වන විට ඉතා වෙහෙස මහන්සි වී වැඩ කරමින් සිටින බවත්, අමෙරිකානුවන්ට දේශීය හා විදේශීය වශයෙන් ආඩම්බර විය හැකි ආරක්ෂාවක් ප්රතිෂ්ඨාපනය කරන බවත් ට්රම්ප් මෙහිදී අවධාරණය කළේය. ලෝක සාමය උදෙසා තම පාලන සමය තුළ ගනු ලැබූ රාජ්යතාන්ත්රික තීන්දුවල සාර්ථකත්වය පිළිබඳව ඔහු මෙලෙස කොංග්රසය හමුවේ කරුණු ඉදිරිපත් කළේය.
