ඩොනල්ඩ් ට්රම්ප් සහ බෙන්ජමින් නෙදන්යාහුගේ දේශපාලන උපායමාර්ගයක් වන ඉරානයට එරෙහි ප්රහාර සඳහා ඔස්ට්රේලියාව, බ්රිතාන්යය සහ කැනඩාව දැක්වූ හදිසි සහයෝගය ජාත්යන්තර නීතිය සහ සදාචාරාත්මක අධිකාරිය අමුඅමුවේ උල්ලංඝනය කිරීමක් බව ජ්යෙෂ්ඨ විශ්ලේෂක ඇලන් බෙම් (Allan Behm) පවසයි. ජාත්යන්තර නීති රීති මත පදනම් වූ ලෝක පිළිවෙළක් ගැන නිතර කතා කරන ඔස්ට්රේලියාව වැනි රටවල්, අමෙරිකාවේ ඕනෑම තීරණයකට පසුපසින් ගමන් කිරීම ලජ්ජා සහගත බව ඔහු පෙන්වා දෙයි.
ඉරානය සතුව න්යෂ්ටික අවි පවතින බවට පවසමින් එල්ල කරන මෙම ප්රහාර කිසිදු පදනමකින් තොර බවත්, පාලකයන් විසින් සිදුකරන මෙවැනි රැවටිලි රාජ්යතාන්ත්රික සබඳතාවලට බරපතල හානියක් බවත් ඔහු සඳහන් කරයි. විශේෂයෙන්ම, ඉරාන තරුණයන් හට සිය නායකත්වයට එරෙහිව කැරලි ගසන ලෙස ට්රම්ප් සහ නෙදන්යාහු කරන ඉල්ලීම හුදෙක් මිලිටරි ප්රහාර සාධාරණීකරණය කිරීම සඳහා භාවිත කරන කපටි උපායමාර්ගයක් පමණක් බව ඇලන් බෙම්ගේ මතයයි.
මෙම ගැටුම් හේතුවෙන් මැදපෙරදිග කලාපය පුරා ආගමික සහ නිකායවාදී ප්රචණ්ඩත්වය පැතිර යා හැකි අතර, ඉන් ඇතිවන අස්ථාවරත්වය අවසානයේදී ඉන්ධන මිල ඉහළ යාමට සහ යුරෝපයට එල්ල වන සරණාගත පීඩනය වැඩි වීමට හේතු වනු ඇත. ඔස්ට්රේලියාව වැනි රටවල් අමෙරිකාවේ බලයට යටත් නොවී, තමන් සතු ස්වාධීන රාජ්යතාන්ත්රික හැකියාව භාවිත කරමින් ජාත්යන්තර නීතිය ආරක්ෂා කිරීමට කටයුතු කළ යුතු බව ඇලන් බෙම් සිය ලිපිය මගින් අවධාරණය කරයි.
