ඇමරිකානු ජනාධිපති ඩොනල්ඩ් ට්රම්ප් විසින් සිය වැඩිමහල් පුතු වන ඩොනල්ඩ් ට්රම්ප් ජූනියර්ගේ හිටපු පෙම්වතිය මෙන්ම දැනට ග්රීසියේ ඇමරිකානු තානාපතිවරිය ලෙස කටයුතු කරන කිම්බර්ලි ගිල්ෆොයිල් හට භාවිතා කරන “සුරතල් නාමය” හෙළිදරව් කිරීමත් සමඟ සමාජ මාධ්ය තුළ දැඩි කතාබහක් නිර්මාණය වී තිබේ. ධවල මන්දිරයේ පැවැති ග්රීක නිදහස් දින සැමරුම අතරතුර ඔහු ඇයව හඳුන්වා දී ඇත්තේ “Kimber-lay” (කිම්බර්-ලේ) යන නාමයෙනි.
“මම ඇයට ‘කිම්බර්-ලේ’ කියලා කතා කරන්න හරිම කැමතියි, ඒක මම ඇයට දාපු පුංචි සුරතල් නම,” යනුවෙන් ට්රම්ප් මාධ්ය හමුවේ පවසා ඇත්තේ ඇයට තමන් අසලින් සිටගන්නා ලෙස ආරාධනා කරමිනි. කෙසේ වෙතත්, මෙම නාමය “පිළිකුල් සහගත” සහ “නුසුදුසු” (Disgusting and Inappropriate) එකක් බව පවසමින් බොහෝ පිරිසක් X (ට්විටර්) ඇතුළු සමාජ මාධ්ය ඔස්සේ සිය අප්රසාදය පළ කර සිටිති. විශේෂයෙන්ම රාජ්ය නායකයෙකු මෙවැනි අසභ්ය අර්ථයක් දිය හැකි වචනයක් භාවිතා කිරීම අශෝභන බව විචාරකයෝ පෙන්වා දෙති.
කිම්බර්ලි ගිල්ෆොයිල් 2018 සිට 2024 දක්වා ඩොනල්ඩ් ට්රම්ප් ජූනියර් සමඟ සබඳතාවයක් පැවැත්වූ අතර ඔවුන් දෙදෙනා විවාහ ගිවිසගෙන ද සිටියහ. නමුත් 2024 අගභාගයේදී එම සබඳතාවය නිමාවට පත් වූ අතර, මේ වන විට ට්රම්ප් ජූනියර් බෙටීනා ඇන්ඩර්සන් (Bettina Anderson) නම් සමාජ ක්රියාකාරිනියක සමඟ විවාහ ගිවිසගෙන සිටී. මෙම මතභේදාත්මක ප්රකාශය පිළිබඳව කිම්බර්ලි ගිල්ෆොයිල් මෙතෙක් නිල ප්රතිචාරයක් දක්වා නොමැත.
