ඉරානය සහ ඊශ්රායලය අතර උද්ගතව ඇති යුදමය තත්ත්වය තවදුරටත් ව්යාප්ත වීම වැළැක්වීම සඳහා අමෙරිකානු ජනාධිපති ඩොනල්ඩ් ට්රම්ප් සහ රුසියානු ජනාධිපති ව්ලැඩිමීර් පුටින් අතර විශේෂ දුරකථන සාකච්ඡාවක් පවත්වා ඇති අතර එහිදී කලාපීය ස්ථාවරත්වය සහ ගෝලීය බලශක්ති සැපයුමට එල්ල වී ඇති තර්ජන පිළිබඳව නායකයන් දෙපළගේ දැඩි අවධානය යොමුව තිබේ. ඉරානයට එල්ල කරන ප්රහාර හේතුවෙන් කලාපය පුරා ඇතිවිය හැකි අස්ථාවරත්වය පාලනය කිරීමට රුසියාවේ මැදිහත්වීම ට්රම්ප් මෙහිදී අපේක්ෂා කරන අතර මැදපෙරදිගින් තෙල් අපනයනය නතර කරන බවට ඉරානය කර ඇති අනතුරු ඇඟවීම හමුවේ ගෝලීය තෙල් මිල පාලනය කර ගැනීමටත් හෝමූස් සමුද්ර සන්ධිය වැනි වැදගත් වෙළඳ මාර්ග විවෘතව තබා ගැනීමටත් නායකයන් දෙදෙනා යම් එකඟතාවයකට පැමිණීමට උත්සාහ කර ඇති බව වාර්තා වේ. ඉරානයේ න්යෂ්ටික සහ මිසයිල හැකියාවන් සීමා කිරීම සම්බන්ධයෙන් අමෙරිකාව දරන දැඩි ස්ථාවරය ට්රම්ප් මෙහිදී යළිත් අවධාරණය කර ඇති අතර රුසියාවේ ස්ථාවරය වන්නේ රාජ්යතාන්ත්රික විසඳුමක් මගින් ගැටලුව නිරාකරණය කරගත යුතු බව වුවද මෙම ඉහළ පෙළේ මැදිහත්වීමත් සමඟ ලෝක වෙළඳපොළේ යම් ස්ථාවරත්වයක් අපේක්ෂා කළ හැකි බව දේශපාලන විචාරකයෝ පෙන්වා දෙති.
