අමෙරිකානු ජනාධිපති ඩොනල්ඩ් ට්රම්ප් සහ චීන ජනාධිපති ෂී ජින්පින් අතර තීරණාත්මක සමුළුවක් එළඹෙන මැයි මාසයේදී පැවැත්වීමට නියමිත බව විදෙස් මාධ්ය වාර්තා කරයි. වසර අටකට පසු ට්රම්ප් සිදු කරන පළමු චීන සංචාරය මෙය වන අතර, දෙරට අතර පවතින දැඩි වෙළඳ ආතතිය සමනය කර ගැනීම මෙහි ප්රධාන අරමුණයි.
පසුගිය වසරේ (2025) අමෙරිකාව විසින් චීන භාණ්ඩ මත පැනවූ බදු (Tariffs) සහ ඊට ප්රතිචාර ලෙස චීනය විසින් දුර්ලභ ඛනිජ අපනයනය සීමා කිරීම හේතුවෙන් ගෝලීය ආර්ථිකයට දැඩි බලපෑම් එල්ල විය. 2026 වසරේ මුල් මාස කිහිපය තුළ ද දෙරට අතර විවිධ වෙළඳ පරීක්ෂණ සහ බදු පැනවීම් වාර්තා වූ අතර, ඉරාන යුද්ධය හේතුවෙන් ට්රම්ප්ගේ මෙම සංචාරය මැයි මාසය දක්වා කල් දැමීමට ද සිදු විය.
කෙසේ වෙතත්, පසුගිය මාර්තු මාසයේදී පැරිස් නුවර පැවති සාකච්ඡා “සාධනීය” මට්ටමක පැවති බව දෙපාර්ශවයම ප්රකාශ කර ඇත. මැයි මාසයේ පැවැත්වෙන මෙම රාජ්ය සංචාරයේදී වෙළඳ ගිවිසුම්වලට අමතරව, මත්ද්රව්ය පාලනය සහ තාක්ෂණික අපනයන සීමා කිරීම් පිළිබඳව ද වැදගත් තීරණ ගනු ඇතැයි ආර්ථික විශ්ලේෂකයෝ අපේක්ෂා කරති.
