ඒ-09 මාර්ගයේ මාන්කුලම, ජර්මන් ටෙක් හන්දිය අසලදී සිදු වූ දරුණු රිය අනතුරකින් පුද්ගලයන් දෙදෙනෙකු ජීවිතක්ෂයට පත්ව තිබේ. කිළිනොච්චිය ප්රදේශයේ පදිංචිව සිටි 57 සහ 62 යන වයස්වල පසුවන පුද්ගලයන් දෙදෙනෙකු මෙලෙස අවාසනාවන්ත ලෙස මියගොස් ඇති බව මාන්කුලම පොලිසිය තහවුරු කරයි. අනතුර සිදුවන අවස්ථාවේදී යතුරුපැදිය සහ මෝටර් රථය යන වාහන දෙකම වව්නියාව දෙසට ධාවනය වෙමින් තිබී ඇත.
පොලිස් විමර්ශනවලට අනුව, ජර්මන් ටෙක් හන්දිය ප්රදේශයේදී පිටුපසින් පැමිණි මෝටර් රථය ඉදිරියෙන් ගමන් කළ යතුරුපැදියේ පිටුපස වේගයෙන් ගැටී තිබේ. ගැටීමේ ප්රබලතාවය හේතුවෙන් යතුරුපැදිය ඉදිරියට තල්ලු වී ගොස් මාර්ගය අසල වූ කාණුවකට වැටී ඇති අතර, බරපතල තුවාල ලැබූ යතුරුපැදිකරු සහ එහි පසුපස ගමන් කළ පුද්ගලයා වහාම කිළිනොච්චිය රෝහලට ඇතුළත් කළ ද රෝහලේදී ඔවුන් මියගොස් ඇත. අනතුරට සම්බන්ධ මෝටර් රථයේ රියදුරු මේ වන විට පොලිස් අත්අඩංගුවට ගෙන ඇති අතර මාන්කුලම පොලිසිය සිද්ධිය සම්බන්ධයෙන් වැඩිදුර විමර්ශන සිදු කරයි.
