ජනාධිපති රනිල් වික්‍රමසිංහ මහතා සහ ඇමරිකා එක්සත් ජනපදයේ දේශපාලන කටයුතු පිළිබඳ උප රාජ්‍ය ලේකම් වික්ටෝරියා නූලන්ඩ් (Victoria Nuland) මහත්මිය අතර සාකච්ඡාවක් අද (01) පෙරවරුවේ ජනාධිපති කාර්යාලයේ දී පැවැත්විණි.
රට මුහුණ දී සිටි දුෂ්කරම තත්ත්වය හමුවේ ඇමෙරිකා එක්සත් ජනපදය ලබා දුන් සහය පිළිබඳව ජනාධිපතිවරයා සිය කෘතඥතාවය පළ කර සිටියේය.
එහිදී ඇමරිකා එක්සත් ජනපදයේ දේශපාලන කටයුතු පිළිබඳ උප රාජ්‍ය ලේකම් වික්ටෝරියා නූලන්ඩ් මහත්මිය සඳහන් කර සිටියේ ශ්‍රී ලංකාව යථා තත්ත්වයට පත් කිරීම සඳහා දරණ ප්‍රයත්නයන් සඳහා තවදුරටත් සිය රජයේ සහයෝගය ලබා දෙන බවය.
ශ්‍රී ලංකාව ජාත්‍යන්තර මූල්‍ය අරමුදල සමඟ සිදු කෙරෙන සාකච්ඡා පිළිබඳව ද මෙහි දී අවධානය යොමු වූ අතර මතුව ඇති ගැටලු කඩිනමින් විසඳා ගැනීම සඳහා එක්සත් ජනපදය අඛණ්ඩව සහය දක්වන බව වික්ටෝරියා නුලන්ඩ් මහත්මිය අවධාරණය කළාය.
13 වන ආණ්ඩුක්‍රම ව්‍යවස්ථා සංශෝධනය ක්‍රියාත්මක කිරීම සහ ඒ සම්බන්ධව රටේ සුළු පක්ෂ සමඟ පැවැත්වෙන සාකච්ඡා මෙන්ම සංහිඳියාවට අදාළව ගෙන යන ක්‍රියාමාර්ග පිළිබඳව ජනාධිපතිවරයා මෙහිදී දීර්ඝ වශයෙන් කරුණු පැහැදිලි කළේය.
වර්ධනය වන මත්ද්‍රව්‍ය ජාවාරමට එරෙහිව කටයුතු කිරීමේ අඛණ්ඩ උත්සාහයන් පිළිබඳව ද සාකච්ඡාවේ දී අවධානය යොමු වූ අතර ඒ සඳහා එක්සත් ජනපදයේ පූර්ණ සහාය ලබා දෙන බව වික්ටෝරියා නූලන්ඩ් මහත්මිය ප්‍රකාශ කළාය.
ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සහ ජනාධිපති කාර්ය මණ්ඩල ප්‍රධානි සාගල රත්නායක, ජනාධිපති ලේකම් සමන් ඒකනායක, ජනාධිපති ජ්‍යෙෂ්ඨ ආර්ථික උපදේශක ආචාර්ය ආර්.එච්.එස්. සමරතුංග, ජාත්‍යන්තර සබඳතා පිළිබඳ ජනාධිපති අධ්‍යක්ෂ දිනුක් කොළඹගේ යන මහත්වරු සහ ශ්‍රී ලංකාවේ ඇමෙරිකා එක්සත් ජනපද තානාපති ජුලි චන්ග් මහත්මිය ඇතුලු නියෝජිත කණ්ඩායමක් මේ අවස්ථාවට සහභාගි වූහ.
U.S. Government expresses support for Sri Lanka’s on-going recovery efforts
U.S. Under-Secretary for Political Affairs, Victoria Nuland, who is currently on an official visit to Sri Lanka, expressed her Government’s support for the on-going recovery efforts in the country.
This was revealed during a meeting with President Ranil Wickremesinghe at the Presidential Secretariat this morning (1).
During the discussions President Wickremesinghe extended his appreciation for the support provided by the U.S. Government during these difficult times.
The discussion also focussed on the on-going discussions with the International Monetary Fund (IMF), while the U.S. pledged to continue to support the negotiations with the aim of swiftly resolving the issues.
The President outlined the measures being taken in regard to the reconciliation talks with the minority parties in Sri Lanka, including the full implementation of the 13th Amendment.
Discussions also focussed on the on-going efforts to combat the growing narcotics trade, with the U.S. extending their assistance.
Julie Chung the US Ambassador to Sri Lanka attended this discussion while the President was accompanied by the Chief-of-Staff and Senior Adviser on National Security Mr Sagala Ratnayake, Secretary to the President Mr Saman Ekanayake, Advisor to the President on Economic Affairs, Dr. R.H. Samaratunga and Director of International Affairs Mr Dinouk Colombage.
