පසුගිය සති අන්තයේ අමෙරිකාව සහ ඊශ්රායලය විසින් ඉරානයට එල්ල කරන ලද ප්රහාරවලට ප්රතිචාර ලෙස, එක්සත් අරාබි එමීර් රාජ්යයේ (UAE) සහ බහරේනයේ පිහිටි ඇමසන් (Amazon) සමාගමේ දත්ත මධ්යස්ථාන තුනකට ඩ්රෝන ප්රහාර එල්ල වී ඇති බව එම සමාගම තහවුරු කරයි. ඇමසන් වෙබ් සේවා (AWS) අංශය සඳහන් කරන්නේ ඉකුත් ඉරිදා උදෑසන එමීර් රාජ්යයේ දත්ත මධ්යස්ථානයකට යම් ‘වස්තූන්’ පතිත වීමෙන් ගින්නක් හටගත් බවත්, ඒ හා සමානව බහරේනයේ පිහිටි මධ්යස්ථානයක ද බලශක්ති සහ සබඳතා බිඳවැටීම් වාර්තා වූ බවත්ය.
සඳුදා දින එම සමාගම විසින් නිල වශයෙන් ප්රකාශ කළේ මෙම බිඳවැටීම්වලට සෘජු හේතුව ඩ්රෝන ප්රහාර බවයි. යුදමය තත්ත්වයන් හමුවේ රටක තීරණාත්මක තාක්ෂණික යටිතල පහසුකම් කෙතරම් අවදානමකට ලක්විය හැකිද යන්න මෙම සිදුවීම මගින් මනාව පැහැදිලි වන බව විචාරකයෝ පෙන්වා දෙති. මෙම ප්රහාර හේතුවෙන් කලාපයේ බොහෝ අන්තර්ජාල සේවාවන් සහ වලාකුළු පරිගණක (Cloud Computing) සේවාවන් රැසකට බාධා එල්ල වී තිබේ.
