ඉරානයෙන් එල්ල වූ මිසයිල සහ ඩ්රෝන ප්රහාර හමුවේ ආරක්ෂක හේතූන් මත තාවකාලිකව වසා දැමූ එක්සත් අරාබි එමීර් රාජ්යයේ (UAE) ගුවන් කලාපය මේ වන විට යළි විවෘත කර ඇති බව එරට රාජ්ය මාධ්ය වාර්තා කරයි. එක්සත් අරාබි එමීර් රාජ්යයේ සිවිල් ගුවන් සේවා අධිකාරිය (GCAA) උපුටා දක්වමින් රොයිටර් පුවත් සේවය සඳහන් කරන්නේ අද (මාර්තු 17) උදෑසන සිට ගුවන් ගමන් මෙහෙයුම් සාමාන්ය පරිදි ආරම්භ වී ඇති බවයි.
කලාපීය ආරක්ෂක තත්ත්වය සීඝ්රයෙන් වෙනස් වීම හේතුවෙන් මීට පෙර ගුවන් කලාපය වසා දැමීමට සිදුවුවද, වර්තමාන තත්ත්වය සලකා බලා ගුවන් ගමන් යළි ආරම්භ කිරීමට අවසර දී තිබේ. කෙසේ වෙතත්, ගුවන් ගමන්වල ආරක්ෂාව උපරිමයෙන් තහවුරු කිරීම සඳහා නිරන්තරයෙන් “තත්කාලීන නිරීක්ෂණ” (Real-time monitoring) ක්රියාවලියක් අඛණ්ඩව ක්රියාත්මක කරන බව සිවිල් ගුවන් සේවා අධිකාරිය අවධාරණය කර සිටී.
ගුවන් කලාපය යළි විවෘත වීමත් සමඟ ඩුබායි සහ අබුඩාබි හරහා ගමන් කිරීමට බලාපොරොත්තුවෙන් සිටි ශ්රී ලාංකික ගුවන් මගීන්ට මෙන්ම මැදපෙරදිග සේවය කරන ලාංකිකයින්ට ද යම් සහනයක් ලැබෙනු ඇත. කෙසේ වෙතත්, ගුවන් ගමන් කාලසටහන්වල යම් ප්රමාදයන් පැවතිය හැකි බැවින් ගුවන් තොටුපළ වෙත යාමට පෙර අදාළ ගුවන් සමාගම් හරහා සිය ගුවන් වාර පිළිබඳව තහවුරු කර ගැනීම වැදගත් වේ.
