හෝමුස් සමුද්ර සන්ධිය (Strait of Hormuz) ඉලක්ක කර ගනිමින් ඉරානය සිදු කරන ප්රහාර මැඩපැවැත්වීම සඳහා බ්රිතාන්ය හමුදා කඳවුරු භාවිත කිරීමට ඇමෙරිකානු හමුදාවට අවසර ලබා දීමට බ්රිතාන්ය රජය තීරණය කර තිබේ. අද (20) පැවති බ්රිතාන්ය අමාත්ය මණ්ඩල රැස්වීමකදී මෙම තීරණාත්මක එකඟතාවකට පැමිණ ඇති අතර, ඒ අනුව හෝමුස් සමුද්ර සන්ධියේ නෞකාවල ආරක්ෂාව තහවුරු කිරීමේ මෙහෙයුම් සඳහා බ්රිතාන්ය කඳවුරු භාවිත කිරීමට ඇමෙරිකාවට අවස්ථාව හිමි වනු ඇත.
මීට පෙර බ්රිතාන්ය කඳවුරු භාවිතයට අවසර දී තිබුණේ බ්රිතාන්ය වැසියන්ගේ ජීවිත හෝ අවශ්යතාවලට සෘජු තර්ජනයක් වන ඉරාන මිසයිල ප්රහාර වැළැක්වීමේ මෙහෙයුම් සඳහා පමණක් වුවද, නව තීරණය අනුව හෝමුස් සමුද්ර සන්ධියේ නාවික ගමනාගමනයට බාධා කරන ඕනෑම ඉරාන ඉලක්කයක් වෙත ප්රහාර එල්ල කිරීමට එම කඳවුරු භාවිත කළ හැකිය. කෙසේ වෙතත්, මෙම ප්රහාර සඳහා බ්රිතාන්යය සෘජුවම සම්බන්ධ නොවන බවත්, තම විදේශ ප්රතිපත්තියේ මූලික වෙනසක් සිදුව නොමැති බවත් බ්රිතාන්ය අග්රාමාත්ය කාර්යාලය (Downing Street) අවධාරණය කර සිටී. මේ හරහා මැදපෙරදිග කලාපයේ පවතින යුදමය වාතාවරණය තවදුරටත් උණුසුම් වීමේ අවදානමක් පවතින බව ජාත්යන්තර දේශපාලන විචාරකයෝ පෙන්වා දෙති.
